لايىقتى دەمالىسقا شىعايىن دەپ جاتىرسىز، ءبىراق زەينەتاقىنى قالاي راسىمدەۋ كەرەگىن جانە زەينەتاقى تولەمىنىڭ مولشەرى قانداي بولاتىنىن بىلمەيسىز بە؟
بۇل سۇراقتارعا ءبىرىڭعاي جيناقتاۋشى زەينەتاقى قورى (بجزق) جاۋاپ بەردى، - دەپ حابارلايدى اlmaty-akshamy.kz Tengrinews-كە سىلتەمە جاساپ.
ءبىرىڭعاي جيناقتاۋشى زەينەتاقى قورىندا 2024 جىلى ايەلدەر 61 جاستا، ەرلەر 63 جاستا زەينەتكە شىعاتىنىن ايتتى. ولار قازاقستاندىقتاردىڭ زەينەتاقىسى ءۇش بولىكتەن تۇراتىنىن ايتتى:
بازالىق زەينەتاقى – زەينەت جاسىنا جەتكەن بارلىق قازاقستاندىقتارعا تۇسەدى. ول ەڭبەك وتىلىنە جانە جيناقتاۋشى زەينەت جۇيەسىنە قاتىسۋ وتىلىنە بايلانىستى.
2024 جىلى بازالىق زەينەتاقىنىڭ مينيمالدى مولشەرى 28 215 تەڭگەنى، ماكسيمالدى – 45 578 تەڭگەنى قۇرايدى.
ورتاق زەينەتاقى – 1998 جىلدىڭ 1 قاڭتارىنا دەيىن ەڭبەك ءوتىلى بار ازاماتتارعا تولەنەدى. ونىڭ مولشەرى ەڭبەك ءوتىلى مەن ورتاشا ايلىق كىرىسىنە بايلانىستى. 2024 جىلى مينيمالدى ورتاق زەينەتاقى 57 853 تەڭگەنى قۇرايدى.
جيناقتاۋشى زەينەتاقى – ازاماتتاردىڭ جەكە زەينەتاقى جيناقتارىنان تولەنەدى جانە ول ولاردىڭ جيناعان قۇرالدارىنىڭ كولەمىنە بايلانىستى. جيناعى قانشالىقتى كوپ بولسا، زەينەتاقىسى سونشالىقتى كوپ بولادى.
بولاشاق زەينەتاقىڭىزدىڭ مولشەرى شامامەن قانشا بولاتىنىن بىلگىڭىز كەلسە، بجزق سايتىنداعى زەينەتاقى كالكۋلياتورىن قولدانۋعا بولادى:
"مىسالى، ءقازىر جاسىڭىز 59-دا، ەڭبەك ءوتىلىڭىز 1998 جىلعا دەيىن 9 جىلدى قۇرايدى. ايىنا ورتاشا 200 مىڭ تەڭگە جالاقى الاسىز جانە جيناقتاۋشى جۇيەدەگى ءوتىلىڭىز – 17 جىل. شامامەن جيناعىڭىزدىڭ سوماسى – 4 800 000 تەڭگە. وسى مالىمەتتەردى زەينەتاقى كالكۋلياتورىنا ەنگىزىپ، "ەسەپتەۋ" باتىرماسىن باسامىز. زەينەتكە شىعاتىن 63 جاسقا 2028 جىلى تولاتىنىڭىزدى كورەمىز. جيىنتىق زەينەتاقىڭىزدىڭ مولشەرى شامامەن 123 618 تەڭگەنى قۇرايدى".
بجزق-دا زەينەاقى تولەمدەرىن راسىمدەۋ ءۇشىن "ازاماتتارعا ارنالعان ۇكىمەت" مەملەكەتتىك كورپوراسياسىنا بارىپ، ءوتىنىش بەرۋ كەرەگىن ايتتى.