بۇل - ق ر پرەزيدەنتى قاسىم-جومارت توقايەۆتىڭ تاپسىرماسى.
زەينەتاقى قورىنداعى شەكتى مەجە كەلەسى جىلدان باستاپ ەڭ تومەنگى جالاقىنىڭ وسۋىنە بايلانىستى كوتەرىلەدى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook-تە ءمالىم ەتتى، دەپ حابارلايدى Almaty-akshamy.kz
مەملەكەت باسشىسى قاسىم-جومارت توقايەۆ زەينەتاقى جيناقتارىنىڭ شەكتى مەجەسىن كوتەرۋ تۋرالى شەشىمگە قاتىستى كوپشىلىكتىڭ وتىنىشىنە قۇلاق استى.
زەينەتاقى جۇيەسىنىڭ نەگىزگى مىندەتى – ازاماتتاردى زەينەتكە شىققاننان كەيىن قاجەتتى جەتكىلىكتى تابىسپەن قامتاماسىز ەتۋ. سوندىقتان زەينەتاقى جيناقتارىنىڭ شەكتى مەجەسىن كوتەرۋ جونىندەگى شەشىم – نەگىزىنەن وسى باعىتتاعى دۇرىس قادام.
سونىمەن قاتار مەملەكەت باسشىسى زەينەتاقى قورىنداعى شەكتى مەجەدەن اسقان قارجىسىن پايدالانىپ ۇلگەرمەگەن ازاماتتاردى قولداپ، ۇكىمەتكە بۇرىنعى شەكتى مەجەنى كوتەرۋ مەرزىمىن 2022 جىلدىڭ 1 ساۋىرىنە دەيىن ۇزارتۋدى تاپسىردى.