نەگىزگى تۇسىرىلىمدەر الماتى وبلىسى كەگەن اۋدانى جالاڭاش اۋىلىنىڭ ماڭىندا ءوتتى
«قازاقفيلم» اق-نىڭ باسپا ءسوز قىزمەتىنىڭ اقپاراتى بويىنشا، سوڭعى تۇسىرىلىمدەر الماتى وبلىسى كەربۇلاق اۋدانى بالعالى ستانسياسىنىڭ ماڭىندا ءوتتى، دەپ حابارلايدى Almaty-akshamy.kz
تاريحي كينوتۋىندىنى ق ر مادەنيەت جانە سپورت مينيسترلىگىنىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعىنىڭ قولداۋىمەن ش.ايمانوۆ اتىنداعى «قازاقفيلم» كينوستۋدياسى ءتۇسىردى.
«بۇگىن ءبىز باستى كەيىپكەردىڭ قازاقستانعا كەلگەن ءساتىن تۇسىردىك. بۇل ساحنا ءفيلمنىڭ باسىندا كورسەتىلەدى. سول ءۇشىن ەسكى پاروۆوز بەن ۆاگوندار «قازاقستان تەمىر جولى» كومپانياسى ارقاسىندا وسى جەرگە جەتكىزىلدى. ءتۇسىرۋ جۇمىستارىنا كۇن سايىن 50-دەن استام ادام (ماسسوۆكا) قاتىستى»، - دەدى ءفيلمنىڭ پروديۋسەرى ولجاباي مۇسابەكوۆ.
پروديۋسەردىڭ ايتۋىنا قاراعاندا، ءفيلمنىڭ مونتاجداۋ جۇمىستارى بۋداپەشت قالاسىنداعى بەلگىلى FOCUSFOX كومپانياسىندا جۇرگىزىلەدى. كەيىن «قازاقفيلم» كينوستۋدياسىندا تۋىندىنىڭ ورىس تىلىندەگى نۇسقاسى دايىندالادى.