زەينەتاقى جيناقتارىن پايدالانۋدىڭ شەكتى مولشەرىن قايتا قاراۋ كەرەك.
ءماجىلىس دەپۋتاتى امانجان جامالوۆ پرەمەر-مينيستر مەن قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسىنا وسىنداي ۇسىنىس ايتتى، دەپ حابارلايدى Almaty-akshamy.kz.
ءبىرىڭعاي جيناقتىق زەينەتاقى قورىن سىنعا العان حالىق قالاۋلىسى زەينەتاقى اكتيۆتەرىن باسقارۋعا تارتىلعان ءتورت قارجىلىق ۇيىمدى بروكەرلىك كومپانيالار دەپ اتادى. وعان سەبەپ تە جوق ەمەس. ويتكەنى ولارعا سەنىمگەرلىك باسقارۋ ءۇشىن 9 ميلليارد تەڭگە بەرىلگەن. ال بۇل سوما بارلىق زەينەتاقى جيناقتىقتارىنىڭ 1 پايىزىنا دا جەتپەيدى. شەنەۋنىك: "مۇنداي كورسەتكىشپەن پرەزيدەنت تاپسىرماسى ورىندالدى دەپ ايتۋدىڭ ءوزى ۇيات"، - دەيدى. جاۋاپتى مەكەمەلەرگە زەينەتاقى اكتيۆتەرىن باسقارۋ نارىعىنداعى مونوپوليامەن كۇرەسۋ مۇمكىندىگىن قاراستىرۋدى سۇرادى.
«2020 جىلى مەملەكەت باسشىسى ازاماتتاردان ءارتۇرلى ماقساتتارعا، سونىڭ ىشىندە تۇرعىن ءۇي جاعدايىن جاقسارتۋعا جانە ەمدەلۋگە اقى تولەۋگە ارنالعان زەينەتاقى جيناقتارىن ءىشىنارا الۋ تۋرالى شەشىم قابىلدادى. ال جەتكىلىكتىلىك شەگىن كوتەرگەننەن كەيىن ءىس جۇزىندە الەمدە تەڭدەسى جوق بۇل باستاما اياقسىز قالدى. زەينەتاقى جيناقتارىن پايدالانۋدىڭ سايكەستىگى بويىنشا شەكتى ماندەردى تومەندەتۋ ماسەلەسىن ۇكىمەت قايتا قاراۋى قاجەت دەپ ويلايمىن. سونداي-اق جەكە زەينەتاقى قورلارىن تارتۋ كەزىندە وسى تاجىريبەنى ەسكەرىپ، سالىمشىلاردى ىنتالاندىرۋدىڭ جاڭا پاكەتىن ازىرلەۋ قاجەت»، - دەيدى ق ر پارلامەنتى ءماجىلىسىنىڭ دەپۋتاتى امانجان جامالوۆ.