بجزق وكىلدەرى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىنە قاتىستى، ولار زەينەتاقى جيناقتاۋ جۇيەسىندە قانداي وزگەرىستەر كۇتىلەتىنى جانە زەينەتاقى جيناقتارىن تۇرعىن ءۇي ساتىپ الۋعا نەمەسە ەمدەلۋگە پايدالانۋ ءۇشىن قايدا جۇگىنۋ كەرەكتىگى تۋرالى تۇسىنىكتەمە بەردى، دەپ حابارلايدى almaty-akshamy.kz
جاڭا كودەكس شەڭبەرىندە زەينەتكەرلەردىڭ ەڭبەك سىڭىرگەن جىلدارى بويىنشا زەينەتاقى قورىنداعى زەينەتاقى جيناقتارىنىڭ بارلىق سوماسىن تۇرعىن ءۇي جاعدايلارىن جاقسارتۋ، ەمدەلۋگە اقى تولەۋ ءۇشىن پايدالانۋ مۇمكىندىگى كوزدەلگەن.
اتاپ وتەتىن بولساق، ەڭبەك سىڭىرگەن جىلدارى بويىنشا زەينەتكەرلەرگە اسكەري قىزمەتشىلەر (مەرزىمدى قىزمەتتەگى اسكەري قىزمەتشىلەردەن باسقا)، ارناۋلى مەملەكەتتىك جانە قۇقىق قورعاۋ ورگاندارىنىڭ، مەملەكەتتىك فەلدەگەرلىك قىزمەتتىڭ قىزمەتكەرلەرى جانە اسكەري قىزمەتتە، ارناۋلى مەملەكەتتىك جانە قۇقىق قورعاۋ ورگاندارىندا، مەملەكەتتىك فەلدەگەرلىك قىزمەتتە كەمىندە جيىرما بەس جىل ەڭبەك سىڭىرگەن جىلدارى بار وزگە دە ادامدار جانە قىزمەتتەن بوساتىلعان كەزدە ق ر زاڭناماسىندا بەلگىلەنگەن قىزمەتتە بولۋدىڭ شەكتى جاسىنا جەتكەن جاندار جاتادى.
بجزق-دا مىندەتتى كاسىپتىك زەينەتاقى جارنالارى ەسەبىنەن قالىپتاستىرىلعان زەينەتاقى جيناقتارى بولعان جاعدايدا، ەڭبەك سىڭىرگەن جىلدارى بويىنشا زەينەتكەرلەر ولاردى جالپىعا بىردەي بەلگىلەنگەن زەينەت جاسىنا تولعان كەزدە ەرلەر ءۇشىن 63 جاس، ايەلدەر ءۇشىن 61 جاس الا الادى.
«بارلىق باسقا زەينەتكەرلەر، ەگەر ولاردىڭ زەينەتاقى تولەمدەرىنىڭ مولشەرى 40%-دان تومەن ەمەس دەڭگەيدەگى تابىستى الماستىرۋ كوەففيسيەنتىن قامتاماسىز ەتسە، تۇرعىن ءۇي جاعدايلارىن جاقسارتۋ جانە (نەمەسە) ەمدەلۋ ماقساتتارىنا مىندەتتى زەينەتاقى جارنالارى ەسەبىنەن قالىپتاستىرىلعان وزدەرىنىڭ زەينەتاقى جيناقتارىنىڭ 50%-نا دەيىن پايدالانۋ قۇقىعىن ساقتايدى. الماستىرۋ كوەففيسيەنتىن ەسەپتەۋ ۇكىمەت ايقىنداعان تارتىپپەن جۇرگىزىلەدى. كوەففيسيەنتتى ەسەپتەۋ كەزىندە زەينەتكەردىڭ زەينەتكە شىققان كۇنىنىڭ الدىنداعى، ءبىراق رەسپۋبليكا بويىنشا ورتاشا ايلىق تابىسىنان اسپايتىن تابىسى ەسكەرىلەدى»، - دەدى «بجزق» اق باسقارماسىنىڭ ءتوراعاسى جانات قۇرمانوۆ.
تۇرعىن ءۇي جاعدايلارىن جاقسارتۋ ماقساتىندا بجزق-دان ءبىرجولعى زەينەتاقى تولەمدەرىن الۋ ءۇشىن "وتباسى بانكى" تۇرعىن ءۇي قۇرىلىس جيناق بانكى" اق-عا (enpf-otbasy.kz پورتالى ارقىلى) نەمەسە ەكىنشى دەڭگەيدەگى "قازاقستان حالىق بانكى" اق، "Altyn Bank" اق، "بانك سەنتركرەديت" اق، "بانك فريدوم فينانس" اق سياقتى بانكتەرگە جۇگىنگەن ءجون. ال ەمدەلۋگە اقى تولەۋ ماقساتىندا - "وتباسى بانكى" تۇرعىن ءۇي قۇرىلىس جيناق بانكى" اق-عا عانا جۇگىنۋگە بولادى.