ەر ادام مەن ايەلدىڭ قىلمىستىق ارەكەتى ءوتىپ بارا جاتقانداردىڭ نازارىنا ىلىككەن.
ولار بۇل تۋرالى الەۋمەتتىك جەلى ارقىلى حابارلاعان.
«ولاردىڭ جەكە باسى بىردەن انىقتالدى. بۇلار بۇرىن ءىستى بولعان – 39 جاستاعى پ. ەسىمدى ازامات پەن 28 جاستاعى ك. ەسىمدى ازامات. ءقازىر ولار ۇستالدى جانە سوت سانكسياسىمەن قاماۋعا الىندى. ولاردىڭ ارەكەتى ق ر قك-نىڭ 299-1-بابى 2-بولىگى (ەسىرتكى قۇرالدارىن، پسيحوتروپتىق زاتتاردى نەمەسە سول تەكتەستەردى، پرەكۋرسورلاردى ناسيحاتتاۋ نەمەسە زاڭسىز جارنامالاۋ) بويىنشا مۇلكىن تاركىلەۋمەن ءۇش جىلدان التى جىلعا دەيىن باس بوستاندىعىنان ايىرۋ تۇرىندەگى جازانى قاراستىرادى»، – دەدى المالى اۋداندىق پوليسيا باسقارماسىنىڭ باستىعى ە.ىسقاقوۆ.