ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا زەينەتاقى جيناقتارىن پايدالانۋ ءۇشىن بەلگىلەنەتىن جەتكىلىكتى شەك جونىندە ايتتى، دەپ حابارلايدى aqshamnews.kz
جەتكىلىكتى شەك تۋرالى ناقتىراق مالىمەت الۋ ءۇشىن جاقىپوۆا جۋرناليستەرگە ۋاكىلەتتى ورگان مەن ءبىرىڭعاي جيناقتاۋشى زەينەتاقى قورىنا (بجزق) جۇگىنۋدى ۇسىندى. دەگەنمەن، جەتكىلىكتىلىك شەگىن تومەندەتۋ قاجەت پە دەگەن سۇراققا جاۋاپ بەردى.
“بۇگىنگى تاڭدا ءبىز زەينەتاقى جيناقتارى بويىنشا قارتايۋ كەزەڭىندە لايىقتى ءومىر ءسۇرۋدى قامتاماسىز ەتۋگە باعىتتالعانىن جاقسى ءتۇسىنىپ وتىرمىز. جيناقتاردى تىم ەرتە جاستا شەشىپ الۋ بولاشاقتا، ياعني تەرەڭ قارتايعان كەزدە، ولاردىڭ قۇندىلىعىنىڭ تومەندەۋىنە الىپ كەلۋى مۇمكىن. سوندىقتان ءدال قازىرگى ۋاقىتتا بۇل قادامعا بارۋ ورىندى ەمەس شىعار”، – دەدى مينيستر.
2024 جىلدىڭ جەلتوقسانىندا ءبىرىڭعاي جيناقتاۋشى زەينەتاقى قورى زەينەتاقى جيناقتارىن پايدالانۋعا ارنالعان جەتكىلىكتى شەك وزگەرمەيتىنىن جانە 2023 پەن 2024 جىلداعىداي قالاتىنىن حابارلاعان بولاتىن. ول جاس ەرەكشەلىگىنە بايلانىستى 3 ميلليوننان 10 ميلليون تەڭگەگە دەيىن بەلگىلەنگەن.