الماتىدا بىرنەشە ۇرلىققا قاتىسى بار كۇدىكتى ۇستالدى، – دەپ حابارلايدى aqshamnews.kz Polisia.kz-كە سىلتەمە جاساپ.
كۇندىزگى ۋاقىتتا پوليسياعا تولە بي داڭعىلى بويىنداعى ۇيلەردىڭ ءبىرىنىڭ اۋلاسىندا تۇرعان موپەدتىڭ ۇرلانعانى تۋرالى حابارلاما كەلىپ ءتۇستى. بەلگىلى بولعانداي، موتوسيكل دۋلىعاسىن كيگەن بەلگىسىز ەكى ادام وڭتايلى ءساتتى پايدالانىپ، ۇرلىق جاساعان. وقيعا ورنىنا دەرەۋ جەدەل تەرگەۋ توبى جەتتى.
جاقىن ماڭداعى اۋماقتى جەدەل تەكسەرۋ بارىسىندا المالى اۋداندىق پب-عا قاراستى پوليسيا ءبولىمىنىڭ جەدەل ۋاكىلى ەلدار توقتاشيەۆ سيپاتتامالارى ۇقساس كۇدىكتىلەردى بايقادى. جولدا كولىك كوپ بولعاندىقتان، پوليسيا قىزمەتكەرى كۇدىكتىلەردى جاياۋ اڭدي باستادى. بىرنەشە رەت توقتاۋدى تالاپ ەتكەنىنە قاراماستان، كۇدىكتىلەردىڭ ءبىرى قاشۋعا ارەكەتتەنىپ، سالدارىنان پوليسيا قىزمەتكەرىن بىرنەشە مەترگە سۇيرەپ، باسقا جول قوزعالىسىنا قاتىسۋشىمەن سوقتىعىسقان. العان جاراقاتىنا قاراماستان، پوليسيا قىزمەتكەرى باتىلدىق تانىتىپ، كۇدىكتىنى ۇستادى. كەيىننەن ونىڭ قالاداعى موپەد ۇرلىعىنىڭ كەم دەگەندە ءتورت ەپيزودىنا قاتىسى بار ەكەندىگى بەلگىلى بولدى.
- ەلدار توقتاشيەۆتىڭ باتىل ارەكەتى قوعامدىق قاۋىپسىزدىككە قاتەر توندىرەتىن كۇدىكتىنى ۇستاۋعا مۇمكىندىك بەردى. ءبىز ءوز قىزمەتكەرلەرىمىزبەن ماقتانامىز، ولار زاڭ مەن ءتارتىپ جاي عانا ءسوز ەمەس، ازاماتتار ءۇشىن ناعىز قالقان ەكەنىن كۇن سايىن دالەلدەۋدە، - دەدى المالى اۋداندىق پب-عا قاراستى پوليسيا ءبولىمىنىڭ باستىعى تيمۋر يمانبەكوۆ.
كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلۋدە. ول قاماۋعا الىندى. پوليسيا قىزمەتكەرلەرى كۇدىكتىنىڭ وسىعان ۇقساس باسقا دا قىلمىسقا قاتىسى بار-جوعىن تەكسەرىپ جاتىر.