زەينەتاقى جيناعى ارقىلى قانشا ادام باسپانالى بولدى؟

ءبىر جولعى زەينەتاقى تولەمدەرىن قولدانۋ بويىنشا الماتى قالاسى ءۇشىنشى ورىندا تۇر ەكەن.

 الماتىلىقتار زەينەتاقى جيناعىنان جالپى سوماسى 241 ملرد-قا جۋىق تەڭگەنى تۇرعىن ءۇي جاعدايىن جاقسارتۋ جانە ەمدەلۋ اقىسىن تولەۋگە جۇمساعان، دەپ حابارلايدى Almaty-akshamy.kz

«وتباسى بانك» اق-نىڭ باسپا ءسوز حاتشىسى جانار جولتايەۆانىڭ مالىمەتىنشە، زەينەتاقى جيناعىنداعى تولەمگە ۇيگە جوندەۋ جۇمىستارىن جاساۋعا دا بولادى.

«بۇگىندە 147 مىڭ قازاقستاندىق باسپانالى بولدى، تاعى 72 مىڭنان استامى يپوتەكالىق قارىزىن وتەدى جانە 18 مىڭعا جۋىق ادام زەينەتاقى قورىنداعى قاراجاتىنىڭ ءبىر بولىگىن ەمدەلۋگە جۇمسادى. ولاردىڭ ۇشتەن ءبىرى – ايەلدەر (75 493) جانە ۇشتەن ەكىسى – ەر ازاماتتار (161 879). ءبىرجولعى زەينەتاقى تولەمدەرىن قولدانۋ بويىنشا ءبىرىنشى ورىندا ماڭعىستاۋ وبلىسىنىڭ تۇرعىندارى تۇر (36 853 ادام)، ولار جالپى سوماسى 326 ملرد تەڭگە پايدالانعان. ەكىنشى ورىندا نۇر-سۇلتان قالاسى (36 339 ادام)، ەلوردا تۇرعىندارى 217 ملرد-قا جۋىق تەڭگە قولدانعان. الماتى قالاسى – ءۇشىنشى ورىندا (31 438 ادام)، الماتىلىقتار جالپى سوماسى 241 ملرد-قا جۋىق تەڭگەنى تۇرعىن ءۇي جاعدايىن جاقسارتۋ جانە ەمدەلۋ اقىسىن تولەۋگە جۇمساعان. ياعني ءبىرجولعى زەينەتاقى تولەمىن enpf-otbasy.kz پلاتفورماسى ارقىلى تۇرعىن ءۇي جاعدايىن جاقسارتۋعا جانە ەمدەۋ ءۇشىن جۇمساۋعا بولادى»، - دەدى «وتباسى بانك» اق-نىڭ باسپا ءسوز حاتشىسى.