وتانداسىمىز ەندى امەريكالىق ماريا بەاتريسپەن سايىسقا تۇسەدى
قازاقستاندىق زارينا دياس اقش-تاعى دجوردجيا ITF ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپارات اگەنتىگىنە سىلتەمە جاساپ.
جۇلدە قورى 80 مىڭ اقش دوللارىن قۇرايتىن جارىستىڭ شيرەك فينالىندا دودانىڭ 2-راكەتكاسى بولىپ تىركەلگەن ز.دياس امەريكالىق ۆيكتوريا ديۋۆالمەن كۇش سىناستى.
قازاقستاندىق تەننيسشى 1 ساعات 16 مينۋتقا سوزىلعان كەزدەسۋدە 6:1، 6:4 ەسەبىمەن جەڭىسكە جەتتى.
زارينا فينالعا شىعۋ ءۇشىن الەمنىڭ 94-راكەتكاسى، تاعى ءبىر امەريكالىق ماريا بەاتريسپەن تالاسادى.
ەسكە سالا كەتەيىك، بۇدان بۇرىن الەكساندر نەدوۆەسوۆتىڭ جۇپتىق سىندا انتۆەرپەن ءتۋرنيرىنىڭ جارتىلاي فينالىنا شىققانىن جازعان بولاتىنبىز.
ا.نەدوۆەسوۆ ۋكراينالىق دەنيس مولچانوۆپەن بىرگە جارتىلاي فينالدا فرانسيالىقتار نيكوليا مايۋ - فابريس مارتەننەن ۇتىلىپ قالدى - 6:7، 2:6.
بۇل ا.نەدوۆەسوۆتىڭ جۇپتىق سىندا ATP دودالارىنداعى ءۇشىنشى جارتىلاي فينالى ەدى.