ۋاقىتشا كارانتيندىك ۇزىلىستەن كەيىن سيرك ارتىستەرى كوپشىلىككە سۋ جاڭا ۇزدىك قويىلىمدارىن ۇسىنىپ وتىر
قازاق مەملەكەتتىك سيركى «ەكسەنتريكا» اتتى باعدارلاماسىمەن ءوز كورەرمەندەرىنە قايتا ەسىگىن اشتى. ۋاقىتشا كارانتيندىك ۇزىلىستەن كەيىن سيرك ارتىستەرى كوپشىلىككە سۋ جاڭا ۇزدىك قويىلىمدارىن ۇسىنىپ وتىر، دەپ حابارلايدى Almaty-akshamy.kz Almaty.tv-گە سىلتەمە جاساپ.
ايتا كەتۋ كەرەك، اتالعان باعدارلاما قايىرىمدىلىق نەگىزىندە بالالار ءۇيى تاربيەلەنۋشىلەرى مەن مۇمكىندىگى شەكتەۋلى بالالارعا ارنالعان.
«بۇگىنگى باعدارلاما تەك بالالارعا عانا ەمەس، سونىمەن قاتار، ەرەسەكتەرگە دە قىزىقتى بولادى دەگەن ويدامىن. قويىلىم ديناميكالىق تۇردە، ءۇزىلىسسىز وتەدى. بالالار ءۇشىن كلوۋندار مەن جانۋارلاردان وزگە، اۋەنى باعىندىرعان اكروباتتار ونەر كورسەتەدى»، – دەدى قويۋشى رەجيسسەر مارينا رەدكو.
ءوز باستاۋىن كوشپەلى ءومىر سالتىنان باستاعان سيركتە باتىلدىق تانىتپاۋ، قايسار بولماۋ مۇمكىن ەمەس. يكەمدىلىك پەن شەبەرلىكتىڭ ۇيلەسىمىن تاپقان اۋە گيمناستيكاسى بۇگىنگى قويىلىمعا وزگەشە ءوڭ بەردى. كورەرمەندەرىنە ەرەكشە ءنومىر ازىرلەگەن ارتىستەر بۇگىنگى تۇساۋكەسەرگە تىڭعىلىقتى دايىندالدىق دەيدى.
«مەنىڭ قويىلىمىم – ادامداردىڭ بىر-بىرىنە عاشىق بولعان كەزدەگى ەموسيالارى مەن سەزىمدەرى تۋرالى. اكتەرلىك شەبەرلىك پەن سيرك تريۋكتەرىنىڭ ارقاسىندا مەن وسى سەزىمدەردى كورەمەندەرگە جەتكىزەتىن بولامىن»، – دەدى اۋە گيمناسى يرينا حرامەنكو.