وفيسەرلەر زاڭنامادا بەلگىلەنگەن تارتىپپەن ەكى جىل قىزمەت ەتەدى.
ۇكىمەت باسشىسى ءاليحان سمايىلوۆ زاپاستاعى وفيسەرلەردى اسكەري قىزمەتكە شاقىرۋ تۋرالى قاۋلىعا قول قويدى، دەپ حابارلايدى Almaty-akshamy.kz ق ر پرەمەر-مينيسترىنىڭ رەسمي سايتىنا سىلتەمە جاساپ.
قاۋلىعا سايكەس، وفيسەرلەر قۇرامىنىڭ لاۋازىمدارىندا اسكەري قىزمەت وتكەرۋ ءۇشىن اسكەري قىزمەتكە جارامدى جانە ونى وتكەرمەگەن زاپاستاعى وفيسەرلەر زاڭنامادا بەلگىلەنگەن تارتىپپەن 2022 جىلى ەكى جىل مەرزىمگە شاقىرىلادى.
قاۋلىعا جالعانعان قوسىمشادا كورسەتىلگەندەي، اسكەري قىزمەتكە شاقىرىلاتىن زاپاستاعى وفيسەرلەر سانى: قارۋلى كۇشتەرگە - 150، ۇلتتىق قاۋىپسىزدىك كوميتەتىنىڭ شەكارا قىزمەتىنە - 40.
قاۋلى 2012 جىلعى 16 اقپانداعى ق ر «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنىڭ 32-بابىنا سايكەس قابىلدانعان. العاشقى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.