بيىل ولاردىڭ سانىن ەكى ەسە ۇلعايتۋ كوزدەلىپ وتىر.
635 زاپاستاعى وفيسەر اسكەري قىزمەتكە شاقىرىلادى، دەپ حابارلايدى Almaty-akshamy.kz
«زاپاستاعى وفيسەرلەردى اسكەري قىزمەتكە شاقىرۋ تۋرالى» ۇكىمەت قاۋلىسىنا ءتيىستى وزگەرىستەر ەنگىزىلدى.
قۇجات اشىق نقا پورتالىندا جاريالاندى.
وعان سايكەس، 2023 جىلى اسكەري قىزمەتكە شاقىرىلۋعا جاتاتىن زاپاستاعى وفيسەرلەردىڭ سانى:
ق ر قارۋلى كۇشتەرى – 550؛
ق ر ۇلتتىق قاۋىپسىزدىك كوميتەتىنىڭ شەكارا قىزمەتى – 60؛
ق ر توتەنشە جاعدايلار مينيسترلىگى – 16؛
ق ر ىشكى ىستەر مينيسترلىگىنىڭ ۇلتتىق ۇلانى – 9.
قۇجات 6 ماۋسىمعا دەيىن قوعام تالقىسىنا شىعارىلدى.
ايتا كەتەرى، جىل باسىندا ءتيىستى قاۋلىمەن زاپاستاعى 345 وفيسەردى اسكەري قىزمەتكە شاقىرۋ جوسپارلانعان بولاتىن. ەندى زاپاستاعى 635 وفيسەر اسكەري قىزمەتكە شاقىرىلماق.