مەملەكەت باسشىسى زاڭسىز يەمدەنىلگەن اكتيۆتەردى قايتارۋ ماسەلەسى جونىندە كەڭەس وتكىزدى
پرەزيدەنت قاسىم-جومارت توقايەۆتىڭ توراعالىعىمەن زاڭسىز يەمدەنىلگەن اكتيۆتەردى قايتارۋ ماسەلەسى جونىندە كەڭەس ءوتتى، دەپ حابارلايدى almaty-akshamy.kz
جيىنعا پرەمەر-مينيستر ءاليحان سمايىلوۆ، پرەزيدەنت اكىمشىلىگىنىڭ باسشىسى ولجاس بەكتەنوۆ، ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆ، پرەمەر-مينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ جانە باس پروكۋراتۋرانىڭ باسشىلىعى قاتىستى.
مەملەكەت باسشىسىنا كەڭەستىڭ كۇن تارتىبىندەگى ماسەلە بويىنشا قابىلدانىپ جاتقان شارالار مەن بۇعان دەيىن بەرىلگەن تاپسىرمالاردىڭ ورىندالۋ ناتيجەلەرى تۋرالى باياندالدى. قاسىم-جومارت توقايەۆ الەۋمەتتىك ادىلدىكتى قالپىنا كەلتىرۋگە جانە مەملەكەتكە قايتارىلعان اكتيۆتەردى ەلىمىزدى دامىتۋ ءۇشىن پايدالانۋعا باعىتتالعان بۇل جۇمىستىڭ ماڭىزدىلىعىن اتاپ ءوتتى.
مەملەكەت باسشىسى وسى ىسكە جۇمىلدىرىلعان بارلىق مەملەكەتتىك قۇرىلىمداردىڭ جۇمىسىن جانداندىرۋ قاجەت ەكەنىن ايتتى.
جيىن سوڭىندا پرەزيدەنت ءبىرقاتار ناقتى تاپسىرما بەردى.