500 مىڭ تەڭگەدەن اساتىن پارانى بىرنەشە رەت العان
پەتروپاۆلدا زاڭسىز بيزنەستى قامقورلىعىنا الىپ، سول ءۇشىن بىرنەشە رەت پارا العان پوليسەي 7 جىلعا باس بوستاندىعىنان ايىرىلدى، دەپ حابارلايدى Almaty-akshamy.kz.
سولتۇستىك قازاقستان وبلىسى سىبايلاس جەمقورلىققا قارسى قىزمەتتىڭ سالىمەتىنشە، 10 مامىردا پەتروپاۆل قالالىق سوتىنىڭ ۇكىمىمەن ق ر قك 366-بابى، 4-تارماعىنىڭ 3-بولىگى بويىنشا وبلىستىق پوليسيا دەپارتامەنتى جەرگىلىكتى پوليسيا قىزمەتى ءبولىمىنىڭ باستىعى 7 جىلعا باس بوستاندىعىنان ايىرىلدى. ول جازاسىن قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەيتىن بولادى.
سوتتالعان ەكس-پوليسەي اكسيزدەلەتىن ءونىمدى ساپانى راستايتىن ءتيىستى قۇجاتتارسىز ساتۋدا قامقورشىلىق كورسەتكەنى ءۇشىن جالپى سوماسى 500 مىڭ تەڭگەدەن اساتىن پارا بىرنەشە رەت العانى ءۇشىن كىنالى دەپ تانىلدى.
وسىلايشا، ق ر سىبايلاس جەمقورلىققا قارسى ءىس-قيمىل اگەنتتىگىنىڭ سقو بويىنشا دەپارتامەنتى 1 مىڭ بلوك تەمەكى ءونىمىنىڭ جانە 5 مىڭ ليتر ساپاسى كۇماندى الكوگول ءونىمىنىڭ زاڭسىز ساتىلىمىن توقتاتتى.
سوتتالعان «پوليسيا مايورى» ارناۋلى اتاعىنان، سونىمەن قاتار مەملەكەتتىك قىزمەتتە، جەرگىلىكتى ءوزىن-وزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.