مەملەكەت باسشىسى ق. توقايەۆتىڭ جولداۋىن ىسكە اسىرۋ اياسىندا 2022 جىلدىڭ باسىنان باستاپ يگەرىلمەي جاتقان نەمەسە زاڭسىز بەرىلگەن 7،8 ملن گا اۋىلشارۋاشىلىعى جەرلەرى مەملەكەتكە قايتارىلدى، دەپ حابارلايدى Almaty-akshamy.kz ق ر ۇكىمەتىنڭ باسپا ءسوز قىزمەتىنە سىلتەمە جاساپ.
ماسەلەن، قاراعاندى وبلىسىندا 1،5 ملن گا اۋىلشارۋاشىلىعى جەرلەرى مەملەكەت مەنشىگىنە قايتارىلدى.
قوستاناي وبلىسىندا – 738 مىڭ گا،
اقتوبە وبلىسىندا – 745 مىڭ گا،
تۇركىستان وبلىسىندا – 631 مىڭ گا،
پاۆلودار وبلىسىندا – 532 مىڭ گا.
رەسپۋبليكا بويىنشا جەردى پايدالانۋشىلارعا قاتىستى 5،5 ملن گا الاڭدى قامتيتىن 2 410 جوسپاردان تىس تەكسەرۋ تىركەلدى. تەكسەرۋ ناتيجەلەرى بويىنشا 3،1 ملن گا الاڭدا جەر زاڭناماسىن بۇزۋشىلىقتاردى جويۋ تۋرالى 1 597 ۇيعارىم شىعارىلدى، 240،9 مىڭ گا الاڭ بويىنشا 246 ماتەريال سوت قاراۋىندا.
ءتيىستى شارالار قابىلدانعاننان كەيىن جەردى پايدالانۋشىلار 2،7 ملن گا القاپتاعى ءوز جەرلەرىن يگەرۋگە كىرىستى.
سونىمەن قاتار، قابىلدانعان شەشىمدەردىڭ زاڭدىلىعىنا قاتىستى جەرگىلىكتى اتقارۋشى ورگانداردىڭ قىزمەتىنە جۇرگىزىلگەن جوسپاردان تىس تەكسەرۋلەردىڭ قورىتىندىسى بويىنشا اۋماعى 526،3 مىڭ گا اۋىلشارۋاشىلىعى جەرلەرىن بەرۋ تۋرالى جەرگىلىكتى اتقارۋ ورگانداردىڭ 515 زاڭسىز شەشىمى انىقتالىپ، ونىڭ ىشىندە 135 شەشىمنىڭ كۇشى جويىلدى، قالعان 380 شەشىمنىڭ كۇشىن جويۋ بويىنشا جۇمىستار جۇرگىزىلۋدە.