قاراعاندى وبلىسىندا زاڭسىز اۆتوكولىك تىركەۋى بويىنشا تەرگەلىپ جاتقان قىلمىستىق ءىس اياسىندا ءۇشىنشى كۇدىكتى — ارنايى حقكو قىزمەتكەرى ىزدەستىرىلۋدە. بۇل تۋرالى ەكونوميكالىق تەرگەۋلەر دەپارتامەنتى باسشىسىنىڭ ورىنباسارى ەرجان ۇتەبايەۆ ايتتى، دەپ حابارلايدى aqshamnews.kz
ەسكە سالايىق، قازان ايىندا افم قىزمەتكەرلەرى ارنايى حقكو باسشىسى مەن ونىڭ ورىنباسارلارىن 33 اۆتوكولىكتى جالعان VIN-كودتارمەن تىركەگەنى ءۇشىن ۇستاعان بولاتىن. تەرگەۋ ۆەرسياسى بويىنشا، كۇدىكتىلەر العاشقى تىركەۋ مەن جويۋعا ارنالعان الىمداردى تولەۋدەن جالتارۋ ءۇشىن فالشيۆتىك VIN-كودتاردى قولدانعان.
«ءۇشىنشى كۇدىكتى — ارنايى حقكو قىزمەتكەرى، ول قازىرگى ۋاقىتتا حالىقارالىق ىزدەۋدە. شەكارا قىزمەتىنىڭ مالىمەتىنە سايكەس، ول قازاقستاننان شىقپاعان. ونىڭ ءىسى جەكە ءوندىرىس رەتىندە بولىنگەن»، — دەپ ءتۇسىندىردى ۇتەبايەۆ.
2 قاراشادا بۇل قىزمەتكەر استانادا اپاتقا ءتۇسىپ، اكىمشىلىك جاۋاپكەرشىلىككە تارتىلدى. ول ءوز مەكەنجايىن كورسەتكەنىمەن، وقيعا ورنىنا كەلگەندە تابىلعان جوق.
«ول كەزدە ول حالىقارالىق ىزدەۋدە بولماعان، ءبىراق ءقازىر ىشكى ىزدەستىرۋ شارالارى جۇرگىزىلۋدە»، — دەپ قوستى دەپارتامەنت باسشىسىنىڭ ورىنباسارى.
وسى ۋاقىت ىشىندە ارنايى حقكو باسشىسى مەن ونىڭ ورىنباسارىنىڭ قاماۋ مەرزىمى تاعى ءبىر ايعا ۇزاردى. تەرگەۋ اياقتالۋعا جاقىن، ءقازىر قىلمىستىق ءىس بويىنشا ماتەريالداردى زارداپ شەككەندەر مەن كۇدىكتىلەر قاراپ جاتىر. قالعان قاتىسۋشىلاردىڭ ىستەرى ولاردان كەلتىرىلگەن شىعىندى ەسەپتەۋ ءۇشىن تەرگەۋ ورگاندارىنا تاپسىرىلدى.