قازاقستاندىقتار ەندى ورتا جانە جوعارى ءبىلىم تۋرالى قۇجاتتاردىڭ ءتۇپنۇسقالىعىن eGov Mobile قوسىمشاسى ارقىلى تەكسەرە الادى، دەپ حابارلايدى aqshamnews.kz
بۇل تۋرالى «ۇلتتىق اقپاراتتىق تەحنولوگيالار» اكسيونەرلىك قوعامىنىڭ باسپا ءسوز قىزمەتى جازدى.
«بۇل قىزمەت جوعالعان قۇجاتتار مەن شەتەلدەگى جوعارى وقۋ ورىندارىندا العان ءبىلىم تۋرالى قۇجاتتارعا دا قاتىستى. بۇعان دەيىن مۇنداي قىزمەتتى تەك eGov.kz پورتالىندا پايدالانۋعا بولاتىن ەدى.»
قىزمەتتى الۋ ءۇشىن كەلەسى قادامداردى ورىنداۋ قاجەت:
- اۆتوريزاسيادان ءوتۋ؛
- «ءبىلىم» بولىمىندە «ورتا، تەحنيكالىق جانە كاسىبي، جوعارى ءبىلىم تۋرالى قۇجاتتاردى مويىنداۋ» قىزمەتىن تابۋ؛
- قاجەتتى مالىمەتتەردى تولتىرىپ، قۇجاتتاردى جۇكتەپ، جەكە دەرەكتەردى پايدالانۋ تۋرالى كەلىسىم بەرۋ؛
- Face ID/Touch ID ارقىلى ءوتىنىشتى قول قويۋ.
قۇجاتتاردى ەلەكتروندى فورماتتا جەكە كابينەتتە نەمەسە قىزمەت كورسەتۋشىنىڭ ءمورى مەن قولتاڭباسىمەن قاعاز تۇرىندە الۋعا بولادى.