قازاقستاندا التىننىڭ زاڭسىز اينالىمى فاكتىلەرى بويىنشا 2020 جىلدان 2023 جىلعا دەيىن 7 قىلمىستىق ءىس تەرگەلدى، ونىڭ تورتەۋى سوتقا جىبەرىلدى.
شىعىن 1،5 ملرد تەڭگەدەن استى. بۇگىن سەناتتىڭ جالپى وتىرىسىندا دەپۋتات اندرەي لۋكين ۇكىمەت باسشىسى ولجاس بەكتەنوۆتىڭ اتىنا وسى ماسەلە بويىنشا ساۋال جولدادى، دەپ حابارلايدى اlmaty-akshamy.kz.
باس پروكۋراتۋرانىڭ مالىمەتىنشە، كەيىنگى 4 جىلدا ىشكى ىستەر ورگاندارى باعالى مەتالداردىڭ زاڭسىز اينالىمى مەن ءوندىرىلۋى جانە ۇرلانۋىنا قاتىستى 133 قىلمىستىق قۇقىق بۇزۋ دەرەگىن تىركەگەن. قازىرگى كەزدە ەلىمىزدىڭ اۋماعىندا 42 التىن ءوندىرۋشى كاسىپورىن بار. ق ر قارجى مونيتورينگى اگەنتتىگىنىڭ اقپاراتى بويىنشا 2020-2023 جىلدار ارالىعىندا التىننىڭ زاڭسىز اينالىمى دەرەكتەرى بويىنشا 7 قىلمىستىق ءىس تەرگەلىپ، 4 ءىس سوتقا جولداندى. شىعىن 1،5 ملرد تەڭگەدەن استى»، - دەدى اندرەي لۋكين.
دەپۋتات اقمولادا وبلىسىنداعى بەستوبەدە زاڭسىز التىن ىزدەۋشىلەر تاپقان التىن ونىمدەرىن ساتىپ الۋمەن اينالىساتىن قىلمىستىق توپتى جويۋ تۋرالى 2023 جىلدىڭ قاراشا ايىنداعى ءىستى مىسالعا كەلتىردى. وسى التىننان جاسىرىن سەحتاردا جاسالعان بۇيىمدار بەلگىلى برەندتەردىڭ اتاۋىمەن استانا مەن شىمكەنت ساۋدا ۇيلەرىندە ساتىلاتىنى انىقتالدى. ءتىنتۋ بارىسىندا 1 كەلىدەن استام التىن مەن 100-دەن استام ءتۇرلى زاتتار تاركىلەندى.
سەناتور مۇنداي زاڭسىزدىقپەن كۇرەسۋ ءۇشىن التىن كەنىشتەرىنە باقىلاۋدى كۇشەيتۋ قاجەت ەكەنىن اتاپ ءوتتى.
«ەسەپتەۋ كەزىندە زاڭدى وندىرىلگەن ءاربىر ءۇش توننا التىن شامامەن زاڭسىز وندىرىلگەن ءبىر توننامەن قاتار جۇرەتىن بولىپ شىقتى. بۇل كورسەتكىش ەلىمىزدىڭ اۋقىمىندا جىلىنا شامامەن زاڭسىز وندىرىلگەن 25 توننا التىن كولەمىنە تەڭ. بۇل ماسەلەنى شەشۋدەگى نەگىزگى شارالاردىڭ ءبىرى – وبەكتىلەردە باقىلاۋدى كۇشەيتۋ. ونىڭ ىشىنە قوسىمشا بەينەباقىلاۋ كامەرالارىن ورناتۋ، شاحتا ۇڭعىلارىنا تالشىقتى-وپتيكالىق جەلى بايلانىسىن سالۋ، كىرۋ الاڭىنا باقىلاۋ جۇيەسىن ەنگىزۋ، تەكسەرۋ كەشەنىن پايدالانۋ، قوسىمشا قورشاۋ ورناتۋ، ادامداردى اۆتوماتتى تۇردە انىقتايتىن قۇرالداردى ەنگىزۋ جانە باسقا دا قاۋىپسىزدىك شارالارى كىرەدى»، - دەدى سەناتور.