جاھاندانۋ زامانىندا ادام قۇقىقتارى مەن بوستاندىعىن قورعاۋ باستى نىساناعا الىنعان دەسەك، وعان شەرxان مۇرتازانىڭ «زاڭ – مەملەكەتتىڭ توعىز قابات، تور كوزدى ساۋىتى» دەگەنىن قوسىڭىز. دەمەك، ادام ومىرىندە زاڭنىڭ ارقالار جۇگى جەڭىل ەمەس. وسى سالادا ۇزدىكسىز ءبىلىم بەرىپ جۇرگەن ءبىلىم وردالارىنىڭ ءبىرى دە بىرەگەيى قازاق ۇلتتىق ۋنيۆەرسيتەتىنىڭ زاڭ فاكۋلتەتى.
فاكۋلتەت قابىرعاسى ۋنيۆەرسيتەتپەن بىرگە 1934 جىلى قالانعان بولاتىن. سوندىقتان دا، ءبىلىمنىڭ الموناتورى اتانعان زاڭ فاكۋلتەتىنىڭ ءبىزدىڭ ەلىمىزدە بيىك ەكەنىنە ەشكىم كۇمان كەلتىرە الماس. 2024 جىلى قاڭتار ايىنان باستاپ قارا شاڭىراعىمىز ءوزىنىڭ 90-جىلدىق مەرەي تويىن تويلاماق.
ونىڭ دالەلى ارينە تالاي بەلەستى باعىندىرعان، اتا زاڭىمىزدىڭ ءار تارماعى، ءار ءبولىمىن قۇراستىرۋعا ۇلەس قوسقان تۇلەكتەرى ەكەنى ءمالىم. قازاق زاڭىنىڭ شىڭىراعىن كوتەرىپ، ۋىعىن تىككەن جانداردىڭ قاي قايسىسىن دا ءومىر تاريxىنان «قازۇۋ» دەگەن تاڭبانى كورۋگە ابدەن بولادى.
«تۇلەكتەرىم – تىرەگىم» دەگەن قارا شاڭىراقتىڭ بۇگىنگى شاكىرت دايىنداۋ جولىنداعى العى ىستەرىنە توقتالا كەتەيىك.
قۇقىقتانۋ، كەدەن ءىسى، كورپوراتيۆتىك قۇقىق ماماندىقتارى بويىنشا جىل سايىن باسەكەگە قابىلەتتى شاكىرتتەر تاربيەلەپ شىعارۋدا. ساپالى ءبىلىم الىپ شىققان ستۋدەنتتەرىمىزدىڭ جۇمىس ورنىندا دا ورەسى بيىك تۇراتىنىنا سەنىمدىمىز.
فاكۋلتەت زامان تالابىنا ساي جابدىقتالعان ەلىمىزدەگى الدىڭعى قاتارلى ءبىلىم ورداسى. شاكىرتتەر يگىلىگىنە شەكسىز ينتەرنەت پەن كومپيۋتەر قۇرىلعىلارى ۇزدىكسىز جۇمىس جاسايدى. سونىمەن قاتار، زەرتxانالىق ساباقتارعا ارنايى جابدىقتالعان كريمينالدىق زەرتتەۋ، سوت جۇرگىزۋ بولمەلەرى مەن مەدياسيا دوڭگەلەك ۇستەل كابينەتتەرى ستۋدەنتتەردىڭ ساپالى ءبىلىم الىپ قانا قويماي، جان-جاقتى بولىپ شىعۋىنا ءوز سەپتىگىن تيگىزۋدە.
بىزدە ستۋدەنتتەردىڭ تاڭداۋىنا قاراي ساباقتار قازاق، اعىلشىن، ورىس تىلدەرىندە جۇرگىزىلەدى. الەمدىك ستاندارتتار بويىنشا باكالاۆر، ماگيستراتۋرا، PھD دوكتورانتۋرا ساناتتارىندا ءبىلىم الىپ شىعۋعا مۇمكىندىكتەر جاسالىنعان. سەبەبى بىزدە، قازاقستانداعى ەڭ ۇزدىك دەگەن پروفەسسورلار مەن دوسەنتتەر، ۇستازدار قۇرامى جۇمىس جاسايدى.
ستۋدەنتتەرىمىز ساباق وقىپ قانا قويماي ستۋدەنتتىك ۇيىمدار مۇشەلەرى بولىپ، ءتۇرلى ۇيىرمەلەرگە دە قاتىسۋىنا بولادى. سول ارقىلى وقۋ مەن قاتار قوعاممەن قارىم-قاتىناس جاساي بىلەگۋ داعدىلانادى. بۇگىنگى كۇنى شاكىرتتەرىمىزدىڭ ءبىلىم كورسەتكىشىنىڭ ارقاسىندا قازاقستاندا عانا ەمەس، ۋنيۆەرسيتەتىمىزدە دە الدىڭعى قاتارلى فاكۋلتەتتەردىڭ كوش باسىندا تۇر. ونىڭ دالەلى جىل سايىنعى زاڭ فاكۋلتەتەرىنىڭ ستۋدەنتتەرى حالىقارالىق جانە رەسپۋبليكالىق وليمپيادالاردىڭ، سپورتتىق جارىستاردىڭ، شىعارماشىلىق بايقاۋلاردىڭ جەڭىمپازدارى.
«زاڭ - ۇلكەن شىبىندار بۇزىپ ءوتىپ، ۇساق شىبىندار شىرمالاتىن ورمەكشىنىڭ تورى ەمەس» دەگەن بالزاكتىڭ ءسوزىن ۇستاناتىن ءبىزدىڭ فاكۋلتەت قاشاندا ادىلدىكتى تۋ ەتكەن ەلىمىزدەگى ەڭ ايتۋلى ءبىلىم ءبولىمى.