سۇراققا زاڭگەر باعدات اماندوس ۇلى جاۋاپ بەرەدى.
– زاڭداعى سوڭعى وزگەرتۋلەرگە سايكەس، «ادۆوكاتتىق قىزمەت جانە زاڭ كونسۋلتانتتارى» تۋرالى زاڭ بار. ول زاڭدا ادۆوكاتتار ادۆوكاتتىق القالاردا مۇشە بولۋ كەرەك. ال زاڭگەرلەر وكىل رەتىندە زاڭگەرلەر كەڭەسشىلەرىنىڭ پالاتاسىندا مۇشە بولۋ كەرەك. سوت بارىسىندا زاڭگەر وكىل رەتىندە سول زاڭگەرلەر كەڭەسشىلەرىنىڭ پالاتاسىنا مۇشە بولماسا، وندا ول سوتقا قاتىسۋعا جىبەرىلمەيدى.
ول مىندەتتەلگەن. ياعني زاڭگەردىڭ كورسەتكەن قىزمەتىنە سوتپەن دۇرىس باعا بەرىلمەسە، وندا ول پالاتادان مۇشەلىكتەن شىعارىلۋى ابدەن مۇمكىن. ونداي جاعدايدا زاڭگەر سوتقا وكىل رەتىندە قاتىسا المايدى. سوندىقتان ءقازىر زاڭگەرلەردىڭ قىزمەتى ادىلەت باسقارماسىمەن جانە زاڭ كەڭەسشىلەرى پالاتاسى تاراپىنان قاداعالانادى.
سەنىم بىلدىرۋشىلەردىڭ جازعان شاعىمدارى مەن زاڭگەردىڭ ارەكەتىنە نەمەسە ارەكەتسىزدىگى تۋرالى جان-جاقتى تۇردە پالاتادا قارالاتىن بولادى.
ارنايى كوميسسيا بولادى. شارت جاساستى ما؟ جوق پا؟ شاعىمداعى كەلتىرىلگەن ۋاجدەر ورىندى ما؟ وسى سۇراقتار توڭىرەگىندە زاڭگەردەن تۇسىنىكتەمە الادى. زاڭگەردىڭ كىناسى انىقتالسا، پالاتادان شەتتەتىلەدى.
ازىرلەگەن گۇلجانات سەمبايەۆا.