ەل پرەزيدەنتى ءداستۇرلى جىل سايىنعى جولداۋىن حالىققا جولدادى. بۇل جولداۋدا 9 ماسەلەنى ءبولىپ، جىلىكتەپ تۇرىپ ايتتى.
ماعان اسىرەسە قاتتى ۇناعانى — زاڭ ماسەلەسى. زاڭ مەن ءتارتىپتى ىسكە اسىرۋدى قاتاڭ تاپسىردى. ويتكەنى زاڭ ورىندالماعان جەردە، زاڭ جۇمىس ىستەمەگەن جەردە ءتارتىپ تە بولمايدى، ال ءتارتىپسىز سالاۋاتتى، قۋاتتى مەملەكەت قۇرۋ وتە قيىن ەكەندىگىن پرەزيدەنت ۇنەمى ايتىپ كەلە جاتىر.
قانشاما جىلدان بەرى وسىنى ەسكەرتىپ كەلەدى. اسىرەسە، وسى جولى ءار ماسەلەنى ءبولىپ-جارىپ، جىككە ءبولىپ، ءارقايسىسىنا تەرەڭ تالداۋ جاساپ، ساراپتاما جاساعانى ماعان قاتتى ۇنادى. ادىلەتتى قازاقستان، زاڭ مەن ءتارتىپ، ەكونوميكالىق ءوسىم، قوعامدىق ءتارتىپ سەكىلدى ماسەلەلەردىڭ ءبارىن تالقىلاپ ءوتتى.
حالىقتىڭ ەڭ وزەكتى ماسەلەسى — قارجى ءوسىمى، نەسيە الۋ ماسەلەسى. وتكەن 30 جىلداعى حالىقتىڭ باسىنان كەشكەن قيىنشىلىقتارى ءقازىر قوعامدا اشىق ايتىلىپ جاتىر. پرەزيدەنتتىڭ بانك سالاسىنا قاتىستى جاڭا زاڭنىڭ قاجەتتىگىن اتاپ ءوتۋى ماعان قاتتى ۇنادى. ۋاقىت سوعان الىپ كەلدى.
سونىمەن قاتار، بيۋدجەت ماسەلەسىنە دە ەرەكشە توقتالدى. قارجىنى ورىنسىز شاشۋعا بولمايتىنى تۋرالى ناقتى ساراپتاما جاساپ، باسا ايتتى. ەندى بۇل جولداۋ گازەتتەردە جاريالانا باستايدى. ءبىز باسپاسوزگە شىققاننان كەيىن ءار ماسەلەنىڭ وزەكتىلىگىن تەرەڭ ءتۇسىنىپ، ونى ىسكە اسىرۋدى تالاپ ەتەمىز دەپ ويلايمىن.