الماتىداعى كىتاپحانالارعا كوزى ناشار كورەتىندەر مەن زاعيپ جاندارعا ارنالعان ارنايى جۇمىس ستانسيالارى ورناتىلدى، دەپ حابارلايدى aqshamnews.kz
الماتى كىتاپحانالارىنا برايل ديسپلەيلەرى ورناتىلدى، ولار ءماتىندى تاكتيلدى فورماتتا كورسەتەدى، برايل قارپىمەن باسىپ شىعاراتىن پرينتەرلەر، ماتىندەردى ۇلكەيتۋ جانە ولاردىڭ كونتراستىن وزگەرتۋگە ارنالعان قۇرىلعىلار، ءماتىندى وقىپ، ونى دىبىستىق فورماتتا شىعارۋعا جانە اۋديوعا اينالدىرۋعا مۇمكىندىك بەرەتىن سكانەرلەر، اۋديوكىتاپتاردى جايلى تىڭداۋ ءۇشىن جوعارى ساپالى دىبىستىق قۇلاققاپتار، سونداي-اق بەيىمدەلگەن باعدارلامالىق قامتاماسىز ەتۋمەن جابدىقتالعان كومپيۋتەرلەر قولجەتىمدى. بۇل جۇمىستار كوزى ناشار كورەتىن جانە زاعيپ جاندار ءۇشىن كىتاپتار مەن باسقا دا ءبىلىم بەرۋ ماتەريالدارىنا ينكليۋزيۆتى قولجەتىمدىلىكتى قامتاماسىز ەتۋ ماقساتىندا جۇرگىزىلدى.
جوبانىڭ ارتىقشىلىعى، ارنايى جۇمىس ستانسيالارىندا كوزى ناشار كورەتىن ازاماتتار وزدەرى قىزمەت ەتەدى. بۇل كەلۋشىلەرگە ولاردىڭ قاجەتتىلىگىن جاقسى تۇسىنەتىن مامانداردان بىلىكتى كومەك الۋعا مۇمكىندىك بەرەدى. ماماندار وقىرماندارعا جابدىقتى قولدانۋدى ۇيرەنۋگە، قاجەتتى اقپاراتتى تابۋعا كومەكتەسۋگە، وقۋ مەن ءوزىن-وزى دامىتۋعا ارنالعان رەسۋرستاردى ۇسىنۋعا، كەڭەس بەرۋگە جانە قۇرىلعىلاردى باپتاۋعا قولداۋ كورسەتۋگە دايىن.
«ءبىزدىڭ باستى ماقساتىمىز – بارلىق ازاماتتىڭ بىلىمگە قول جەتكىزۋىن قامتاماسىز ەتۋ. ءبىز كىتاپحانالاردى اركىم وقىپ، دامۋعا مۇمكىندىك الاتىن ينكليۋزيۆتى كەڭىستىككە اينالدىرۋعا تىرىسامىز. قالا اكىمى الماتىنى ادىلەتتى جانە ءار تۇرعىنعا قامقورلىقپەن قارايتىن ۇلگى قالا ەتۋ مىندەتىن قويىپ وتىر. ءبىز سونىڭ ىشىندە مادەنيەت سالاسىندا، وسى ماقساتقا قول جەتكىزەتىن باستامالاردى بەلسەندى تۇردە ەنگىزىپ جاتىرمىز. جالپى، ءار كىتاپحانا قوعام ءومىرىنىڭ ورتالىعىنا، دامۋ، شىعارماشىلىق جانە ءوزارا ارەكەتتەسۋ كەڭىستىگىنە اينالۋدا، مۇندا وقىرماندار رەسۋرستى، قولداۋدى جانە شابىتتى تابا الادى»، – دەدى الماتى قالاسى مادەنيەت باسقارماسىنىڭ باسشىسى عاني مايلىبايەۆ.
ارنايى جۇمىس ستانسيالارى ورناتىلعان كىتاپحانالار: ا.پ. چەحوۆ اتىنداعى ورتالىق قالالىق كىتاپحانا (گوگول كوشەسى، 109)، №14 كوپشىلىك كىتاپحانا-فيليالى (ريمسكيي-كورساكوۆ كوشەسى، 3)، №4 كوپشىلىك كىتاپحانا-فيليالى (اباي داڭعىلى، 141)، ALATAU CREATIVE HUB (نۇركەنت شاعىن اۋدانى، 5/11)، №45 كوپشىلىك كىتاپحانا (مامىر-7 شاعىن اۋدانى، 8 ا)، جامبىل اتىنداعى قالالىق جاسوسپىرىمدەر كىتاپحاناسى (نازاربايەۆ كوشەسى، 43)، قازاق جازۋشىلارى كىتاپحاناسى (التىنسارين كوشەسى، 37).