افيشا، كۇنى، جاريالانعان فورماتى شىندىققا سايكەس كەلمەيدى
الەۋمەتتىك جەلىلەردە ولگا كورتۋنكوۆا، دەنيس دوروحوۆ، داۆيد ساللايەۆ جانە ت. ب. كومەديانتتاردىڭ قاتىسۋىمەن "مۋزىكالىق-پاتريوتتىق مارافوننىڭ" وتكىزىلۋى تۋرالى اقپاراتتارعا قاتىستى "الماتى اۋەندەرى" كمقك باسپا ءسوز قىزمەتى تاراتىلعان "Za روسسيۋ!" باننەر-افيشاسى جالعان ەكەنىن مالىمدەدى، دەپ حابارلايدى Almaty-akshamy.kz.
«افيشا، كۇنى، جاريالانعان فورماتى شىندىققا سايكەس كەلمەيدى. رەسمي افيشا مەن كونسەرتتىك باعدارلامادا قانداي دا ءبىر ساياسي استارى جوق ەكەنىن اتاپ وتەمىز»،-دەلىنگەن حابارلامادا.
ايتا كەتەيىك، ۇيىمداستىرۋشىمەن كونسەرتتىك زالدى جالعا الۋ جانە «ودناجدى ۆ روسسيي» ساتيرالىق شوۋىن وتكىزۋ تۋرالى كەلىسىم-شارت 2021 جىلدىڭ 8 جەلتوقسانىندا جاسالعان. بۇرىن گاسترولگە سايكەس، كونسەرتتىك باعدارلاما قاڭتار ايىنا جوسپارلانعان جانە ەكى رەت 2022 جىلدىڭ مامىر ايىنا اۋىستىرىلعان.
بۇگىنگە دەيىن ۇجىم قازاقستاننىڭ 8 قالاسىندا، سونىڭ ىشىندە قاراعاندى، پەتروپاۆل، قوستاناي، پاۆلودار، وسكەمەن قالالارىندا ونەر كورسەتتى.
«ودناجدى ۆ روسسيي» - 2014 جىلدىڭ 28 قىركۇيەگىنەن بەرى بار جانە تازا ويىن-ساۋىق بولىپ تابىلاتىن كوممەرسيالىق جوبا. قازاقستانداعى باعدارلامانىڭ فورماتى دا تەك قانا كومەديالىق بولىپ قالا بەرەدى، مۇنى https://almaty-ayenderi.kz رەسمي سايتىندا جاريالانعان اقپارات تولىق دالەلدەيدى.
ەسكە سالايىق، الەۋمەتتىك، ۇلتتىق، رۋلىق، تاپتىق جانە ءدىني ارازدىقتى قوزدىرۋعا باعىتتالعان جالعان اقپاراتتى (جالعان اقپارات) تاراتۋ قازاقستان رەسپۋبليكاسىنىڭ زاڭىمەن قۋدالانادى.
ارانداتۋشىلىققا بوي الدىرماۋلارىڭىزدى، سونداي-اق اقپاراتتى تەكسەرىپ، تەك رەسمي اقپارات كوزدەرىنە سەنۋلەرىڭىزدى سۇرايمىز.