بيىل بالالارىنا اليمەنت تولەمەي ىزدەۋدە جۇرگەن 66 ازاماتتىڭ قايدا جۇرگەنى انىقتالدى، دەپ حابارلايدى Almaty-akshamy.kz پاۆلودار وبلىسى ءىىد كوشى-قون قىزمەتىنە سىلتەمە جاساپ.
ءىىد كوشى-قون قىزمەتىنىڭ باسشىسى ارمان ۋالييەۆتىڭ ايتۋىنشا، «اۆتوپوتوك» جانە «ينتەگرا» اۆتوماتتاندىرىلعان جۇيەلەرىنە بورىشكەرلەردىڭ كولىگى تۋرالى مالىمەتتەر ەنگىزىلگەن. قازاقستاننان شىعىپ كەتكەن ىزدەۋدە جۇرگەن 20 ادامعا قاتىستى ولاردىڭ ورنالاسقان جەرى بويىنشا مەملەكەتتەردىڭ ىشكى ىستەر ورگاندارىنا حاتتار جولدانىپتى.
«بورىشكەرلەر مەن اليمەنت تولەمەيتىندەردى ىزدەۋ – كوشى-قون قىزمەتىنىڭ ماڭىزدى باعىتتارىنىڭ ءبىرى. پوليسيا دەپارتامەنتى مەن جەرگىلىكتى اتقارۋشى ورگاندار بۇل سالاعا ەرەكشە كوڭىل بولۋدە»، - دەيدى ول.
اليمەنت تولەمەي قاشىپ جۇرگەن 36 جاستاعى ايەل رەسەيدىڭ ۆلاديمير وبلىسىنان تابىلعان. قۇقىق قورعاۋ ورگاندارىنىڭ مالىمەتىنشە، جاۋاپكەردى ىزدەۋدى باستاۋ ءۇشىن تالاپكەردىڭ تۇرعىلىقتى جەرى بويىنشا ىشكى ىستەر ورگاندارىندا تىركەلگەن سوت بۇيرىعى قاجەت.