ىستانبۇلدىڭ فاتيح اۋدانىندا جارىلىس بولدى. بىرنەشە كولىك وتقا وراندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازا بولعاندار مەن زارداپ شەككەندەر تۋرالى وسى ۋاقىتقا دەيىن مالىمەت تۇسكەن جوق.
كەيبىر اقپارات بويىنشا، ءورت الدىمەن ءبىر كولىكتى شارپىدى، كەيىن جالىن تۇراقتا تۇرعان وزگە ماشيناعا اۋىستى. وقيعا ىستانبۇلدىڭ نەگىزگى كورىكتى ورىندارى - اييا-سوفيا مەشىتى جانە كوك مەشىت ورنالاسقان جەردەن 5 شاقىرىم جەردە – قوجا مۇستافا كوشەسىندە بولدى.
ءورت سوندىرۋشىلەر جالىندى اۋىزدىقتادى.
ەسكە سالساق، 13 قاراشادا ىستانبۇلدىڭ بەيوگلۋ اۋدانىنداعى يستيكليال جاياۋ جۇرگىنشىلەر كوشەسىندە جارىلىس بولدى. سالدارىنان 6 ادام قازا تاۋىپ، 53 ادام جارالاندى. 14 قاراشادا جارىلىس جاسادى دەگەن كۇدىكتى ۇستالعانى ءمالىم ەتىلدى.