ورتا سالماقتاعى WBO تۇجىرىمى بويىنشا الەم چەمپيونى قازاقستاندىق جانىبەك ءالىمحان ۇلى دۇنيەجۇزىلىك بوكس ۇيىمى رەيتينگىنىڭ كوشباسشىسى مەكسيكالىق حايمە مۋنگياعا قارسى جەكپە-جەك تۋرالى پىكىر ءبىلدىردى، دەپ حابارلايدى Almaty-akshamy.kz Prosports.kz-كە سىلتەمە جاساپ.
13 قاراشادا تاڭەرتەڭ لاس-ۆەگاستا ءالىمحان ۇلى ۇلىبريتانيالىق دەنزەل بەنتليدى تورەشىلەر شەشىمىمەن جەڭىپ، WBO تۇجىرىمى بويىنشا چەمپيوندىق اتاعىن العاش رەت قورعاعان. بۇعان دەيىن WBO پرەزيدەنتى ءالىمحان ۇلى جەڭىسكە جەتسە، چەمپيوندىق اتاعىن مەكسيكالىق حايمە مۋنگۋياعا قارسى كەزدەسۋدە قورعاۋعا مىندەتتەيتىنىن ايتقان ەدى.
«مۋنگيا مەنىمەن جەكپە-جەك وتكىزۋگە كەلىسەدى دەپ ۇمىتتەنەمىن جانە كۇتەمىن»، - دەپ جازدى جانىبەك تۆيتتەردە.
مۋنگيادا 40 جەڭىس پەن 0 جەڭىلىس بار. ول ورتا سالماقتاعى WBO رەيتينگىندە ءبىرىنشى ورىندا تۇر. حايمە جارتىلاي ءبىرىنشى ورتا سالماقتاعى WBO بەلبەۋىنىڭ يەگەرى. ول رينگكە 19 قاراشادا گۆادالاحارادا (مەكسيكا) ارگەنتينالىق گونسالو كورياعا جەكپە-جەكتە شىعادى.