زارداپ شەككەن قازاقستان ازاماتتارى تۋرالى اقپارات جوق
كەشە ىستانبۇل كوشەسىندە جارىلىس جاسادى دەگەن كۇدىكتى ۇستالدى. بۇل تۋرالى تۇركيانىڭ ىشكى ىستەر ءمينيسترى سۋلەيمان سويلۋ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
انادولى اگەنتتىگىنىڭ مالىمەتىنشە، سۋلەيمان سويلۋ كۇدىكتىنى قالانىڭ پوليسيا باسقارماسىنىڭ قىزمەتكەرلەرى ۇستالعانىن ءمالىم ەتتى.
سونداي-اق سويلۋ بيلىكتە تۇركيادا تەرروريستىك ۇيىم رەتىندە تانىلعان كۇردىستان جۇمىسشى پارتياسىنىڭ وكىلدەرىنىڭ شابۋىلعا قاتىسقانى تۋرالى دالەلدەر بار ەكەنىن دە جەتكىزدى.
ەسكە سالساق، كەشە ىستانبۇلدىڭ بەيوگلۋ اۋدانىنداعى يستيكليال جاياۋ جۇرگىنشىلەر كوشەسىندە جارىلىس بولدى. جارىلىستان 4 ادام قازا تاۋىپ، 38 ادام جارالانعانى الدىن الا حابارلاندى.
ق ر ىستانبۇلداعى باس كونسۋلدىعى تۇركياداعى قازاقستاندىقتارعا، اسىرەسە ادامدار كوپ جينالاتىن جەرلەردە بارىنشا ساق بولۋعا كەڭەس بەرەدى.
قازاقستاننىڭ شەتەلدىك وكىلدىگى تۇرىك بيلىگىمەن بايلانىستا. زارداپ شەككەن قازاقستان ازاماتتارى تۋرالى اقپارات جوق.
ىستانبۇلداعى ق ر باس كونسۋلدىعىنىڭ بايلانىس تەلەفونى +90 212 662 53 49.