بۇگىن الماتى قالاسىندا اۋانىڭ لاستانۋ دەڭگەيى جوعارىلايدى، دەپ حابارلايدى Almaty-akshamy.kz قازگيدرومەتكە سىلتەمە جاساپ.
«14 قاراشا كۇنى قالادا اۋا رايى كوشپەلى بۇلتتى، جاۋىن-شاشىنسىز بولادى. جەل جىلدامدىعى - 0-5 م/س. اۋا تەمپەراتۋراسى تۇندە 0-2 گرادۋس سالقىن، كۇندىز 9-11 گرادۋس جىلى. كەلەسى كۇنى دە وسىنداي.
بۇگىن - تاۋلىك بويى، ەرتەڭ تۇندە مەتەورولوگيالىق جاعدايلار قالا اتموسفەراسىندا لاستاۋشى زاتتاردىڭ جينالۋىنا ىقپال ەتەدى.
جالپى قالا بويىنشا اۋانىڭ لاستانۋ دەڭگەيىنىڭ كوتەرىڭكى بولۋى كۇتىلۋدە»، - دەپ جازدى ۆەدومستۆودان.