باس پروكۋراتۋرا وكىلى ازامات سارعازين Qazaqstan تەلەارناسى وتكىزىپ جاتقان ونلاين تەلەمارافوندا سايلاۋ پروسەسى باستالعاننان بەرىن 25 ءوتىنىش كەلىپ تۇسكەنىن ءمالىم ەتتى، -دەپ حابارلايدى اlmaty-akshamy.kz.
«داۋىس بەرۋ ءراسىمى باستالعاننان بەرى پروكۋراتۋرا ورگاندارىنا ىقتيمال زاڭبۇزۋشىلىقتار تۋرالى 25 ءوتىنىش كەلىپ ءتۇستى. ونىڭ بەسەۋى باس پروكۋراتۋراعا كەلدى. ولار تەكسەرۋ جۇمىستارىن جۇرگىزۋ ءۇشىن جەرگىلىكتى پروكۋرورلارعا جولداندى. سەبەبى وتىنىشتەردە ورىن الۋى مۇمكىن زاڭبۇزۋشىلىقتار، ناقتىراق ايتساق، تىيىم سالىنعان كەزدە سايلاۋ الدىنداعى ۇگىتتى جۇرگىزگەندىگى مۇمكىن ەكەنى جونىندە ايتىلعان»، - دەدى ول.
سونداي-اق، ول 7 ءوڭىردىڭ جەرگىلىكتى پروكۋراتۋراسىنا ادامدار تىكەلەي جۇگىنگەنىن اتادى.
«سوندىقتان تەكسەرۋ جۇرگىزۋ جەرگىلىكتى پروكۋرورلارعا جولداندى. سونداي-اق، ازاماتتار بۇگىن تىكەلەي كەلەسى اۋماقتىق پروكۋراتۋرالارعا دا جۇگىنىپ وتىر. ول – استانا قالاسىندا تورتەۋ، الماتىدا ءبىر، شىمكەنت قالاسىندا ءۇش، شىعىس قازاقستان وبلىسىندا بەس، تۇركىستان وبلىسىندا ءتورت، قاراعاندى، پاۆلودار، سولتۇستىك قازاقستان وبلىستارىندا بىر-بىردەن. ولاردىڭ ءبارى ءقازىر قارالۋ ۇستىندە»، - دەدى ازامات سارعازين.