بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين مالىمدەدى.
ول قولدانۋشىلار مەن كونتەنت جاسايتىندارعا جاڭا مۇمكىندىكتەر اشادى، دەپ حابارلايدى Almaty-akshamy.kz
«ءسۇيىنشى جاڭالىق! وتكەن جىلدىڭ ناۋرىزىندا كرەمنيي القابىنا جۇمىس ساپارى بارىسىندا مەن Youtube ونىمدەرىن باسقارۋ جونىندەگى ۆيسە-پرەزيدەنت ادام سميتپەن كەزدەسىپ، سەرۆيستىڭ قازاقستاندا ىسكە قوسىلۋىن تالقىلاعان ەدىم. ال بۇگىن سىزدەرمەن كەرەمەت جاڭالىقپەن بولىسكىم كەلەدى. قولدانۋشىلار مەن كونتەنت جاسايتىندارعا جاڭا مۇمكىندىكتەر اشاتىن YouTube Premium ەندى قازاقستاندا. بۇل وقيعا – ەلدىڭ سيفرلىق ينفراقۇرىلىمىن دامىتۋ مەن ونى جاھاندىق جەلىگە بىرىكتىرۋدە جاساعان ەلەۋلى قادام»، دەپ جازدى باعدات مۋسين Telegram ارناسىندا.
ونىڭ ايتۋىنشا، باسقا قىزمەتتەرمەن قاتار YouTube Premiumء-دى قولدانۋ بەينە مەن مۋزىكالىق مازمۇنعا جارناماسىز شەكسىز قولجەتىمدىلىكتى، بەينەماتەريالداردى وفلاين رەجيمدە كورۋ ءۇشىن ونى جۇكتەۋ مۇمكىندىگىن جانە باسقا قوسىمشالاردى قاتار قولدانۋ كەزىندە ونى فوندىق رەجيمدە دە تىڭداۋ مۇمكىندىگىن قامتاماسىز ەتەدى.
سونىمەن قاتار، مينيستر ءقازىر سيفرلىق ەكونوميكانى دامىتۋ مەن قازاقستانداعى جەرگىلىكتى كونتەنت-جاساۋشىلاردى قولداۋ مۇمكىندىكتەرى كۇن تارتىبىندە ەكەنىن اتاپ ءوتتى.