№ 58 اۆتوبۋس 77 جاستاعى قاريانى قاعىپ كەتىپ، مەرت قىلدى.
جول اپاتى دوسمۇحامەدوۆ پەن ءشارىپوۆ كوشەلەرىنىڭ قيىلىسىندا بولدى، دەپ حابارلايدى Almaty-akshamy.kz.
قالاىشىلىك اۆتوبۋس ماقاتايەۆ كوشەسىمەن شىعىس باعىتتا كەلە جاتقان. جۇرگىزۋشىلەردىڭ ايتۋىنشا، قاريا كۇتپەگەن جەردەن جولعا جۇگىرىپ شىققان.
جۇرگىزۋشى قانشا قاشۋعا تىرىسقانىمەن دە ايەل ادامدى قاعىپ كەتكەن. اۆتوبۋس جاياۋ جۇرگىنشىلەرگە ارنالعان تروتۋارعا شىعىپ كەتە جازداپ، جاسىل ءشوپتى باسقان.
سالدارىنان اۆتوبۋستىڭ استىنا تۇسكەن ەگدە ايەل العان جاراقاتتارىنان دارىگەرلەر كەلگەنگە دەيىن وقيعا ورنىندا كوز جۇمدى. وقيعا ورنىنا پوليسيا قىزمەتكەرلەرى مەن الماتىنىڭ قۇتقارۋ قىزمەتى كەلدى. ءقازىر كريميناليستەر وقيعانىڭ بارلىق ءمان-جايلارىن انىقتاۋ ۇستىندە.
پوليسيا جان تاپسىرعان ادامنىڭ 1947 جىلعى ايەل ەكەنىن ناقتىلادى.