قازاقستاننىڭ ءبىرىنشى راكەتكاسى WTA رەيتينگىندە پوزيسياسىن جاڭارتتى
ايەلدەر تەننيس قاۋىمداستىعىنىڭ (WTA) رەيتينگى جاڭارتىلدى، دەپ حابارلايدى Almaty-akshamy.kz ۇلتتىق وليپيادا كوميتەتىنە سىلتەمە جاساپ.
قازاقستاننىڭ ءبىرىنشى راكەتكاسى ەلەنا رىباكينا ءوز پوزيسياسىن جاقسارتىپ، ءقازىر 17-ورىنعا كوتەرىلدى. ال يۋليا پۋتينسيەۆا 11 ساتىعا تومەندەپ، 44ء-شى ورىنعا جايعاستى. زارينا دياس بەس ساتىعا كوتەرىلىپ، الەم رەيتينگىندە 105ء-شى ورىندا تۇر.
جۇپتىق سانات بويىنشا اننا دانيلينا ءبىر ساتى جوعارىلاپ، 88-ورىنعا كوتەرىلدى. ءوز كەزەگىندە جىبەك قۇلامبايەۆا مەن گوزال ايتيندينوۆا 466 جانە 493 ورىنداردى يەلەندى.