بايقاۋدا كاسىبي شەبەرلەر سايىسادى.
وعان ەلىمىزدىڭ تۇكپىر-تۇكپىرىنەن 22 جاسقا دەيىنگى ارالىقتاعى 545 مامان جانە 520 ساراپشى قاتىسادى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
سايىستىڭ ءۇش كۇنىندە، ياعني 23-25 قاراشا ارالىعىندا «ەكسپو» حالىقارالىق كورمە ورتالىعىنىڭ اۋماعىندا كوللەدج ستۋدەنتتەرى 30 قۇزىرەت بويىنشا ءوز شەبەرلىكتەرىن ورتاعا سالادى. ولاردىڭ ىشىندە كىرپىش قالاۋ، كۋزوۆ جوندەۋ، باستاۋىش سىنىپتارعا ساباق بەرۋ، بيزنەسكە ارنالعان IT شەشىمدەر، ءقوناقۇيدىڭ قابىلداۋشىسى، اسپازدىق، شاشتاراز جانە ت.ب. بار.
رەسپۋبليكالىق چەمپيوناتتىڭ قاتىسۋشىلارىن ماراپاتتاۋ ءراسىمى 27 قاراشادا وتەدى. جەڭىمپازدار كەلەسى جىلدىڭ 10-15 قىركۇيەگى ارالىعىندا فرانسيادا وتەتىن «WorldSkills Lyon 2024» حالىقارالىق چەمپيوناتىندا قازاقستاننىڭ اتىنان قاتىسۋ مۇمكىندىگىنە يە بولادى.