استانادا ق ر وقۋ-اعارتۋ مينيسترلىگىنە قاراستى «تالاپ» كەاق ۇيىمداستىرعان WorldSkills Kazakhstan – 2023 VIII رەسپۋبليكالىق چەمپيوناتى ءوز مارەسىنە جەتتى.
ءۇش كۇن بويى وڭىرلىك چەمپيوناتتاردىڭ جەڭىمپازدارى 30 قۇزىرەت جانە 7 باعىت بويىنشا ۇزدىك اتانۋ ءۇشىن ب ا ق سىناستى. سالتاناتتى ماراپاتتاۋ راسىمىنە وقۋ-اعارتۋ ءمينيسترى عاني بەيسەمبايەۆ قاتىستى، دەپ حابارايدى Almaty-akshamy.kz.
مينيستر ءوز سوزىندە بارلىق قاتىسۋشىلاردى تەحنيكالىق جانە كاسىپتىك ءبىلىم بەرۋ سالاسىنداعى ايتۋلى شارامەن قۇتتىقتاپ، ەل ەكونوميكاسىن دامىتۋداعى جۇمىسشى ماماندىقتارىنىڭ رولىنە ەرەكشە توقتالدى.
«WorldSkills Kazakhstan – بۇل جۇمىسشى ماماندىقتارىن مەڭگەرگەن ستۋدەنتتەر ءۇشىن ۇلكەن مۇمكىندىكتەرگە جول اشاتىن اۋقىمدى چەمپيونات. وسىنداي شارانىڭ ارقاسىندا ەلىمىزدەگى جەتەكشى كومپانيالارمەن ىنتىماقتاستىق ورناتا الاسىزدار. الەمدىك رەيتينگتەگى پوزيسيا دا ايتارلىقتاي نىعايىپ كەلەدى. بيىل ءبىزدىڭ ستۋدەنتتەر EuroSkills Gdansk ءتۋرنيرىنىڭ تاريحىنداعى ەڭ جاقسى ناتيجەگە قول جەتكىزىپ، ەكى مەدال مەن ءتورت «ۇزدىك مەدالون» جەڭىپ الدى. جۇمىسشى ماماندىقتارىنىڭ وكىلدەرى - ەلىمىزدىڭ كۇش-قۋاتى. سوندىقتان دا مەملەكەت باسشىسىنىڭ قولداۋىمەن جىل سايىن تەحنيكالىق ماماندىقتارعا مەملەكەتتىك تاپسىرىس ۇلعايىپ، كوللەدج ستۋدەنتتەرىنە جان-جاقتى الەۋمەتتىك قولداۋ كورسەتىلىپ كەلەدى»، – دەپ اتاپ ءوتتى عاني بەيسەمبايەۆ.
بايقاۋ جەڭىمپازدارىن ق ر پارلامەنتى ءماجىلىسىنىڭ دەپۋتاتى يرينا سميرنوۆا ماراپاتتادى. WorldSkills Kazakhstan-2023 VIII رەسپۋبليكالىق چەمپيوناتىندا بارلىعى 100 مەدال: 38 التىن، 26 كۇمىس جانە 36 قولا ۇتىسقا سالىندى. 153 قاتىسۋشى «ۇزدىك مەدالونىن» جەڭىپ الدى.
كوماندالىق ەسەپتە 30 قۇزىرەت بويىنشا 6 التىن، 2 كۇمىس، 3 قولا مەدال جەڭىپ العان اباي وبلىسىنىڭ كومانداسى كوش باستادى. ەكىنشى ورىندى الماتى قالاسىنىڭ كومانداسى يەمدەنىپ، 4 التىن، 1 كۇمىس جانە 4 قولا مەدال جەڭىپ الدى. ءۇشىنشى ورىن العان شىمكەنت قالاسىنىڭ قۇراماسى 29 قۇزىرەت بويىنشا 5 التىن، 2 قولا مەدالدى قانجىعاسىنا بايلادى.
بۇدان باسقا، كاسىبي شەبەرلىك چەمپيوناتىنىڭ جەڭىمپازدارى ەلىمىزدىڭ جەتەكشى كومپانيالارىنان: «Grohe»، «Knauf»، «1س كازاحستان»، «Robert Bosسh»، «Welding Company»، «ESAB» جانە ت.ب. جۇمىسقا شاقىرتۋلار الدى. كونكۋرستىڭ بارلىق 545 قاتىسۋشىسى WeDoEducation-نەن تاڭداعان ءتۇرلى سالالارداعى كەز-كەلگەن ماماندىق بويىنشا ءبىلىم الۋ ءۇشىن گرانتتارعا يە بولدى.
ەسكە سالايىق، «WorldSkills Kazakhstan 2023» VIII رەسپۋبليكالىق چەمپيوناتى 2023 جىلدىڭ 23-25 قاراشاسى ارالىعىندا ءوتتى. وعان ەلىمىزدىڭ تۇكپىر-تۇكپىرىنەن 545 ستۋدەنت پەن 510 ساراپشى قاتىستى. سايىس قاتىسۋشىلارى 30 قۇزىرەت بويىنشا ءوز جۇمىستارىن تانىستىردى. ولاردىڭ ىشىندە كىرپىش قالاۋ، قۇرىلىس جانە سىلاق، سانتەحنيكا جانە جىلۋ جۇيەسى، گرافيكالىق ديزاين، دانەكەرلەۋ تەحنولوگياسى، كونديتەر، شاشتاراز ءىسى، مەيرامحانا سەرۆيسى جانە ت.ب. بولدى. جەڭىمپازدار 2024 جىلدىڭ 10-15 قىركۇيەگى ارالىعىندا فرانسيانىڭ ليون قالاسىندا وتەتىن WorldSkills حالىقارالىق چەمپيوناتىنا بارادى.