قازاقستاندىقتار كەزەكتى قارجى پيراميداسىنىڭ ارباۋىنا ءتۇسىپ قالدى.
بۇگىندە «World Business Consulting» ۇيىمىنا قاتىستى تەرگەۋ امالدارى ءجۇرىپ جاتىر، دەپ حابارلايدى Almaty-akshamy.kz
ق ر قارجىلىق مونيتورينگ اگەنتتىگىنىڭ مالىمەتىنشە، الماتى قالالىق اۋماقتىق دەپارتامەنتى «World Business Consulting» قارجى پيراميداسىن ۇيىمداستىرعاندارعا قاتىستى تەرگەۋ جۇمىستارىن قولعا الدى. ولار قارجىلىق الاياقتىقپەن اينالىسقان دەپ ايىپتالۋدا. كومپانيا وكىلدەرى شەتەلدە ءجۇرىپ قازاقستاندىقتارمەن Zoom پلاتفورماسى ارقىلى ونلاين جۇزدەسىپ، ولاردى ءوز قۇرىعىنا ءتۇسىرىپ وتىرعان. كومپانيا شەتەلدىك ءبىرقاتار اففيرلەنگەن فيرمانىڭ ينۆەستيسيالىق جوبالارىنا اقشا قۇيۋعا ۇندەگەن. ءبىراق ودان ءارى سالىمشىلار اقشالارىن كورمەگەن.
«ازاماتتار جەڭىل تابىس تابۋ ءۇشىن ءوز قارجىلارىن پيراميدالىق ۇيىمعا قۇيعان. ونىڭ ىشىندە قارجىلاي، ماتەريالدىق جانە جىلجىمايتىن مۇلىك تە بار. اقشا قاراجاتتارى كەيىن بولىنگەن»، - دەدى الماتى قالالىق اۋماقتىق دەپارتامەنتى تەرگەۋ باسقارماسىنىڭ باسشىسى ساكەن قوندىبايەۆ.
وسى ورايدا «World Business Consulting» ۇيىمىنان زارداپ شەككەن ازاماتتار +7 775 923 40 90، +7 708 192 28 18 تەلەفون نومىرلەرىنە حابارلاسا الادى.