الماتىدا جەزوكشەلىكپەن اينالىسقان 15 پريتون جويىلدى، – دەپ حابارلايدى almaty-akshamy.kz Polisia.kz سىلتەمە جاساپ.
اقشالاي سىياقى الۋ ءۇشىن ينتيمدىك قىزمەت كورسەتەتىندەردىڭ زاڭسىز ارەكەتتەرىن انىقتاۋ جانە جولىن كەسۋ ماقساتىندا جۇرگىزىلگەن رەيدتىك ءىس-شارالار بارىسىندا دەمالىس كۇندەرى پوليسيا قىزمەتكەرلەرى جەزوكشەلەر ءۇيىن انىقتادى. ول تىنىشبايەۆ كوشەسىندەگى پاتەرلەردىڭ بىرىندە ورنالاستى.
– جىل باسىنان بەرى وسىنداي 15 ورىن انىقتالدى، ولاردىڭ يەلەرى قاساقانا جەزوكشەلىكپەن اينالىسۋعا مەكەمە بەرگەنى ءۇشىن جاۋاپكەرشىلىككە تارتىلدى. سونداي-اق، ينتيمدىك قىزمەت كورسەتكەن 484 ايەلگە اكىمشىلىك شارا قولدانىلدى. ولاردىڭ كوپشىلىگى قيىن قارجىلىق جاعدايلارىنىڭ كەسىرىنەن جەزوكشەلىكپەن اينالىسۋعا ءماجبۇر بولعانىن ايتتى. نەگىزى، ىشىمدىك ءىشىپ، قوعامعا جات ءومىر سالتىن ۇستاناتىندار بۇل كاسىپپەن ءجيى اينالىسادى، – دەيدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ. سپيكەر پوليسيا قىزمەتكەرلەرىمەن كۇن سايىن ناقتى رەيدتەر جۇرگىزىلەتىنىن اتاپ ءوتتى. ايتا كەتەيىك، قۇقىق بۇزۋشىلار اراسىندا قازاقستان رەسپۋبليكاسىنىڭ كوشى-قون زاڭناماسىن بۇزعان شەتەل ازاماتتارى ءجيى كەزدەسەدى. سوت شەشىمىمەن ولار ەلدەن شىعارىلادى.