بىرنەشە ايدان كەيىن بۇل فۋنكسيالار بارلىق پايدالانۋشىلارعا قولجەتىمدى بولادى.
3 قاراشادان باستاپ WhatsApp «قاۋىمداستىق» قىزمەتىن، كوپ ادامعا بىردەي بەينەقوڭىراۋ شالۋ، چاتتاردا ساۋالنامالار مەن ۇلكەن توپتار قۇرۋ مۇمكىندىگىن ىسكە قوسا باستادى، دەپ حابارلايدى Almaty-akshamy.kz
ازىرلەۋشىلەردىڭ سوزىنشە، بىرنەشە ايدان كەيىن بۇل فۋنكسيالار بارلىق پايدالانۋشىلارعا قولجەتىمدى بولادى.
ولاردىڭ پىكىرىنشە، قاۋىمداستىق (مىسالى، اۋدان تۇرعىندارى، مەكتەپ وقۋشىلارىنىڭ اتا-انالارى، جۇمىستاعى ارىپتەستەر) مۇشەلەرى ەندى WhatsApp-تا توپتىق حات الماسۋعا مۇمكىندىك بەرەتىن كوپتەگەن توپتى بىردەن بىرىكتىرە الادى.
بۇل مۇمكىندىكتى پايدالانۋ ءۇشىن «جاڭا قاۋىمداستىق» قوسىمشا پاراعىن اشۋ كەرەك. ول Android جۇيەسىندە چات ءتىزىمىنىڭ ۇستىندە نەمەسە iOS جۇيەسىندە ونىڭ استىندا ورنالاسقان.
مۇندا ءسىز جاڭا قاۋىمداستىق جاساي الاسىز نەمەسە قاۋىمداستىققا بار توپتاردى قوسا الاسىز.
قاۋىمداستىقتىڭ مۇشەسى بولا وتىرىپ، قاجەتتى اقپاراتتى ىزدەۋ ءۇشىن ونداعى توپتار اراسىندا وڭاي اۋىسا الاسىز جانە اكىمشىلەر ماڭىزدى جاڭالىقتاردى وسى قاۋىمداستىقتىڭ بارلىق مۇشەسىنە جىبەرە الادى.
تاعى ءۇش فۋنكسيا ىسكە قوسىلادى:
چاتتا ساۋالنامالار جاساۋ؛
32 ادامعا دەيىن بەينەقوڭىراۋ شالۋ؛
1024 پايدالانۋشىعا دەيىن توپتار قۇرۋ.
بۇل مۇمكىندىكتەردىڭ بارلىعىن كەز كەلگەن توپتا قولدانۋعا بولادى (ەمودزي رەاكسيالارى، ۇلكەن فايلداردى ورتاق پايدالانۋ جانە اكىمشى جويۋ سياقتى)، ءبىراق اسىرەسە قاۋىمداستىقتار ءۇشىن پايدالى.