بىلتىر ەلىمىزدەگى كىتاپ وقۋ كورسەتكىشى رەكوردتىق دەڭگەيگە جەتتى

تۇرعىنداردىڭ كىتاپحاناعا دەگەن قىزىعۋشىلىعى ءالى دە جوعارى.

سوڭعى 26 جىلدا ەلىمىزدەگى كىتاپحانالار سانى ەكى ەسەگە، 7352-دەن 3920-عا دەيىن قىسقاردى، دەپ حابارلايدى Almaty-akshamy.kz Ranking.kz-كە سىلتەمە جاساپ.

ءبىراق سوعان قاراماستان، ادامدار كىتاپحاناعا ءجيى بارادى.

1999 جىل قازاقستان كىتاپحانالارى ءۇشىن اۋىر جىل بولدى. ال بيىل وقىرماندار سانى نەبارى 2،6 ميلليون بولعان. ءبىراق كىتاپحاناعا كەلۋشىلەر سانى بىرتىندەپ ارتىپ كەلەدى. ماسەلەن، 2021 جىلى وقىرماندار سانى 6 ميلليوننان اسقان. ونىڭ 34،6% ء-ى، ياعني 2،1 ميلليونى كىتاپحانانىڭ ونلاين-رەسۋرسىن پايدالانۋشىلار.

ۇلتتىق ستاتيستيكا بيۋروسىنىڭ مالىمەتى بويىنشا، بىلتىر كىتاپحانالاردىڭ 56،7 پروسەنتى عانا ينتەرنەت جەلىسىنە قوسىلعان. ەڭ تومەنگى كورسەتكىش باتىس قازاقستان (28،5%)، اتىراۋ (30،6%) جانە الماتى (32%) وبلىستارىندا تىركەلدى.

ۇزدىك كورسەتكىش – الماتىدا، بۇكىلالەمدىك كىتاپحانالار جەلىسىنە 100% قوسىلعان جالعىز قالا.

رەسپۋبليكا بويىنشا نەبارى 11،5 مىڭ كومپيۋتەر ورناتىلعان، ياعني ءبىر كىتاپحاناعا ءۇش كومپيۋتەردەن از. ولاردىڭ تەك ۇشتەن ءبىرى – 34،1 پروسەنتى عانا كەلۋشىلەرگە ارنالعان.