ءار جارتى جىل سايىن ۇسىنىلاتىن Webometrics Ranking of World Universities-2022 الەمدىك ۇزدىك ءبىلىم بەرۋ مەكەمەلەرى ۆەب-سايتتارىنىڭ حالىقارالىق رەيتينگى جاريالاندى. Webometrics Ranking of World Universities – بۇل ۋنيۆەرسيتەت سايتىنىڭ جانە ونىڭ زەرتتەۋشى عالىمدارىنىڭ Scopus جانە Google Scholar عىلىمي مەتريكالىق جۇيەلەرىندەگى جاريالانىمدارىنىڭ قاجەتتىلىگىن ەسكەرەتىن كورسەتكىشكە نەگىزدەلگەن الەمدىك ۋنيۆەرسيتەتتەردىڭ جاھاندىق رەيتينگى.
قازىرگى ۋاقىتتا الەمنىڭ 15 914 ۋنيۆەرسيتەتى اراسىندا Webometrics رەيتينگىنە قازاقستان رەسپۋبليكاسىنىڭ 132 ۋنيۆەرسيتەتى قاتىستى. اتالمىش رەيتينگتىڭ قورىتىندىسى بويىنشا اباي اتىنداعى قازۇپۋ سايتى قازاقستاننىڭ توپ-7 ۇزدىك جوعارى وقۋ ورىندارىنىڭ قاتارىنا كىردى (2022 جىلدىڭ قاڭتارى – 10 ورىن).
رەيتينگ ءادىسناماسى جوعارى وقۋ ورىندارىنىڭ جاھاندىق اقپاراتتىق كەڭىستىكتە ۇسىنىلۋىن تالداۋعا نەگىزدەلگەن. ۋنيۆەرسيتەتتىڭ عىلىمي قىزمەتىنىڭ بەلسەندىلىگىنە تالداۋ جۇرگىزىلەتىن Web-ينديكاتورلار پروفەسسور-وقىتۋشىلار قۇرامى مەن ستۋدەنتتەردىڭ زەرتتەۋ قىزمەتىنە قانشالىقتى تارتىلعانىن انىقتاۋعا مۇمكىندىك بەرەدى. Cybermetrics Lab ادىستەمەسىنە سايكەس ۋنيۆەرسيتەتتەردى رەيتينگتەۋ الگوريتمى ءۇش كورسەتكىشكە نەگىزدەلگەن: Impact، Openness، Excellence. اباي اتىنداعى قازۇپۋ-دىڭ وسى رەيتينگتەگى جىل سايىنعى ىلگەرىلەۋى ونىڭ الەمدىك جوعارى ءبىلىم جۇيەسىندەگى تۇراقتى ورنىن تاعى ءبىر مارتە راستايدى.
حالىقارالىق رەيتينگتەرگە قاتىسۋ ۋنيۆەرسيتەتتى جاھاندىق عىلىمي كەڭىستىكتە ورنىقتىرۋعا، حالىقارالىق ءبىلىم بەرۋ ورتاسىنا كىرۋگە، ءبىلىم بەرۋ جانە عىلىمي-زەرتتەۋ پروسەستەرىن حالىقارالىق ەرەجەلەر مەن ستاندارتتارمەن ۇيلەستىرۋگە، ءبىلىم بەرۋ قىزمەتىنىڭ ساپاسىن ارتتىرۋعا جانە ءوسۋدىڭ جاڭا مۇمكىندىكتەرىن تابۋعا جول اشادى. ۋنيۆەرسيتەتتەردىڭ ۇلتتىق جانە حالىقارالىق رەيتينگتەرىندە اباي ۋنيۆەرسيتەتى ۇزاق جىلدار بويى ۇزدىكتەر قاتارىندا بولىپ كەلەدى جانە تۇراقتى تۇردە قازاقستاننىڭ جەتەكشى پەداگوگيكالىق ۋنيۆەرسيتەتى بولىپ تابىلادى. بۇل جەتىستىكتەردىڭڭ ءبارى وعان زەرتتەۋ ۋنيۆەرسيتەتى بولۋ ماقساتىنا جاقىنداۋعا مۇمكىندىك بەرەدى.