WBO جانىبەك ءالىمحان ۇلى مەن ليام ءسميتتى جەكپە-جەك كەلىسىمىن جاساسۋعا مىندەتتەدى
WBO اقپاندا ليام ءسميتتى رەيتينگىدە ءبىرىنشى ورىنعا قويدى. وعان ورتا سالماقتاعى الەم چەمپيونى تيتۋلى ءۇشىن ايقاسۋعا ونىڭ كەلىسىمدەگى مىندەتتەمەسى كەدەرگى كەلتىرۋى مۇمكىن – قاڭتاردا كىشى كريس يۋبەنكتى نوكاۋتقا تۇسىرگەن ەدى، ءبىراق كريستىڭ ريەۆانشقا قۇقىعى بار. ول وسى قۇقىعىن پايدالانباقشى، دەپ حابارلايدى Almaty-akshamy.kz.
جانىبەك بولسا، WBO سانكسياسىنىڭ ايقاسقا كەپىل بولا المايتىنىن بارىنەن جاقسى بىلەدى. سەبەبى، سوڭعى 12 ايدا دەمەتريۋس اندرادە، حايمە مۋنگيا مەن ەسكيۆا فالكاومەن مىندەتتى ايقاستارى بولماي قالدى.
34 جاستاعى ليامنىڭ ستاتيستيكاسى – 33 جەڭىس (20 نوكاۋت)، 3 جەڭىلىس پەن ءبىر تەڭ ناتيجە.
2015 جىلدىڭ قاڭتارىنان 2016 جىلدىڭ قىركۇيەگىنە دەيىن سميت ءبىرىنشى ورتا سالماقتا WBO تيتۋلىن يەلەندى، ءبىراق كانەلودان نوكاۋتپەن جەڭىلگەن سوڭ ودان ايىرىلىپ قالدى. كەيىن ۋاقىتشا چەمپيون بولىپ ءجۇرىپ، بەلبەۋىن قايتارۋعا تىرىستى، ءبىراق حايمە مۋنگيادان تورەشىلەر شەشىمىمەن جەڭىلىپ قالعان ەدى.