اۋا رايى جاعدايىنىڭ جاقسارۋى مۇنايدى اۋىستىرىپ تيەۋدى قالپىنا كەلتىرۋگە مۇمكىندىك بەردى
كاسپيي قۇبىر كونسورسيۋمى قارا تەڭىز تەرمينالىنان مۇناي جونەلتۋ جۇمىسىنىڭ قايتا جاندانعانىن مالىمدەدى، دەپ حابارلايدى Almaty-akshamy.kz.
«22 اقپاننان باستاپ تەڭىز تەرمينالى ارقىلى مۇناي تاسىمالداۋ جۇمىستارى قالپىنا كەلتىرىلدى. اۋا رايى جاعدايىنىڭ جاقسارۋى مۇنايدى اۋىستىرىپ تيەۋدى قالپىنا كەلتىرۋگە مۇمكىندىك بەردى»، - دەلىنگەن كومپانيا تاراتقان حابارلامادا.
ەسكە سالساق، 19 اقپان كۇنى اۋا رايىنىڭ قولايسىزدىعىنا (كۇشتى داۋىل، ۇلكەن تولقىنعا) بايلانىستى كاسپيي قۇبىر كونسورسيۋمىنىڭ تەڭىز تەرمينالىمەن مۇناي جونەلتۋ توقتاتىلعان ەدى.
اتالعان قۇبىر جەلىسىنىڭ جۇمىسىنىڭ توقتاپ قالۋىنا بايلانىستى ق ر ەنەرگەتيكا ءمينيسترى بولات اقشولاقوۆ پىكىر ءبىلدىردى.
جالپى ايتا كەتسەك، قازاقستان مۇنايىنىڭ شامامەن 80 پايىزى كاسپيي قۇبىر كونسورسيۋمى ارقىلى ەكسپورتقا جونەلتىلەدى.