كەز كەلگەن ۋاقىتتا دوپينگ-تەست الىنادى
دۇنيەجۇزىلىك بوكس كەڭەسى (WBC) قازاقستاندىق گەنناديي گولوۆكين مەن مەكسيكالىق ساۋل «كانەلو» الۆارەس اراسىنداعى ءۇشىنشى جەكپە-جەككە قاتىستى جاڭا مالىمدەمە جاسادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz سايتىنىڭ مالىمەتىنشە، WBC سايتىندا ايقاس الدىندا بوكسشىلاردان كەز كەلگەن ۋاقىتتا دوپينگ-تەست الىناتىنى جازىلعان.
«WBC بەكىتكەن بارلىق حاتتامالاردى ورىنداي وتىرىپ، ەكى سپورتشى دا VADA-نىڭ بارلىق تالابى بويىنشا ىقپالداستىققا تولىق دايىندىعىن اتاپ ءوتتى. سەبەبى ساۋل الۆارەس پەن گەنناديي گولوۆكين تازا بوكس باعدارلاماسىنا (CBP) قوسىلعان. ول بويىنشا 17 قىركۇيەكتەگى جەكپە-جەككە دەيىن ەكەۋىنەن كەزدەيسوق دوپينگ-تەستىلەر الىنىپ وتىرادى»، - دەلىنگەن حابارلامادا.