مادەنيەت جانە سپورت مينيسترلىگىنىڭ بۇرىنعى ۆيسە-مينيسترىنە قاتىستى تەرگەۋ اياقتالدى، دەپ حابارلايدى aqshamnews.kz
سىبايلاس جەمقورلىققا قارسى قىزمەت زاڭدىلىق پەن ءتارتىپتى قامتاماسىز ەتۋ، سونداي-اق جوعارى لاۋازىمدى تۇلعالار اراسىنداعى سىبايلاس جەمقورلىققا توسقاۋىل قويۋ بويىنشا جۇمىستارىن جالعاستىرۋدا.
وسىعان بايلانىستى، اگەنتتىك مادەنيەت جانە سپورت مينيسترلىگىنىڭ بۇرىنعى ۆيسە-مينيسترى ەرلان قوجاعاپانوۆ پەن مەردىگەر ۇيىم باسشىلارىنا قاتىستى تەرگەۋدى اياقتادى. ولار قىزمەتتىك وكىلەتتىكتەرىن اسىرا پايدالانىپ، 1 ملرد تەڭگەدەن استام قاراجاتتى جىمقىردى دەپ ايىپتالۋدا.
2024 جىلدىڭ 13 جەلتوقسانىندا باس پروكۋراتۋرا كۇدىكتىلەردى سوتقا بەردى. قىلمىستىق-پروسەستىك كودەكستىڭ 201-بابىنا سايكەس، تەرگەۋ بارىسى تۋرالى قوسىمشا اقپارات جاريالانبايدى.
سونداي-اق، قازاقستان كونستيتۋسياسىنىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، سوت ۇكىمى زاڭدى كۇشىنە ەنگەنگە دەيىن ءاربىر ادام كىناسىز دەپ ەسەپتەلەدى.