Visa كومپانياسى شەتەلمەن الىس-بەرىسى بار قازاقستاندىق كاسىپكەرلەردىڭ جۇمىسىن جەڭىلدەتتى.
ولار وزگە مەملەكەتكە بار-جوعى 2-3 ساعاتتا قارجى اۋدارۋعا مۇمكىندىك بەرەتىن جاڭا سەرۆيستى ىسكە قوستى. بۇرىن بۇل پروسەسس 1 اپتاعا دەيىن سوزىلاتىن. Visa كومپانياسىندا سالانى سەرپىلتۋگە ارنالعان وزگە دە يننوۆاسيالىق يدەيالار بار. ونىڭ ءبىرقاتارى "Astana Finance Days" حالىقارالىق كونفەرەنسياسىندا تالقىلاندى، دەپ حابارلايدى Almaty-akshamy.kz
قازاقستان قارجى نارىعىنا يننوۆاسيا ەنگىزۋ بويىنشا ورتالىق ازيادا عانا ەمەس، بۇكىل الەمدە كوش باستاپ تۇر. Astana Finance Days كونفەرەنسياسىندا شارانىڭ باستى سەرىكتەسى بولعان سيفرلىق تولەمدەر يندۋسترياسىنىڭ الەمدىك كوشباسشىسى Visa كومپانياسى ساراپشىلارمەن بىرگە ەلدىڭ قارجى سالاسىن ودان ءارى دامىتۋدى تالقىلادى، دەپ جازادى 24.kz.
- بۇگىن ارىپتەستەرىمىزبەن وتكىزگەن پىكىرتالاس قارجى سەكتورىنداعى يننوۆاسيالارعا ارنالدى. سالاعا جاڭاشىلدىق اكەلۋگە تىرىسىپ جۇرگەن ارىپتەستەرىممەن بىرگە قازاقستاننىڭ قارجى سەكتورىنداعى احۋالدى تالقىلاعانىما قۋانىشتىمىن. پانەلدىك سەسسيا بارىسىندا Visa كومپانياسىنىڭ وكىلى قارجى سالاسىن سەرپىلتۋگە باعىتتالعان تاجىريبەلەرىمەن ءبولىستى. جالپى جيىنعا الەمنىڭ تۇكپىر-تۇكپىرىنەن جينالعان قارجىگەرلەر مەن ساراپشىلار قاتىستى، -دەيدى VISA ۆيسە-پرەزيدەنتى كريستينا دوروش.
- ءقازىر ەكىنشى دەڭگەيلى بانكتەردىڭ اراسىندا باسەكە جاڭا دەڭگەيگە كوتەرىلىپ جاتىر. سوندىقتان بانكتەر وزىق تەحنولوگيانى قابىلداپ، كەشەندى ەكوجۇيەلەرىن قۇراستىرىپ جاتىر. تەك قانا دەپوزيت بەرىپ، كرەديت جيناپ، ءقازىر ءوز كرەديتتەرىن حالىقتارعا ەشقانداي سەرپىن الىپ كەلە المايسىڭ. جيىندا جاھاندىق ەكوجۇيەنى دامىتۋ جانە قارجىلىق قىزمەتتەردى سيفرلاندىرۋ جايى دا ءسوز بولدى، دەدى Bank Freedom Finance Kazakhstan ديرەكتورلار كەڭەسى ءتوراعاسىنىڭ كەڭەسشىسى ايدوس جۇماعۇلوۆ.
- ادەتتە مۇنداي فورۋمداردا كومپانيالاردىڭ جەتىستىكتەرى ايتىلادى. ءوزارا تاجىريبە الماسامىز. سالا سەرپىلىسىنە سەپ بەرەتىن قىزىقتى مىسالدار ءسوز بولادى. سونداي-اق شارادا جاساندى ينتەللەكتتىڭ قارجى نارىعىنا اسەرى تالقىلاندى. كونفەرەنسياعا بارلىعى 70 ەلدەن 3 مىڭنان استام قارجى سالاسىنىڭ وكىلدەرى قاتىستى، دەپ ءوز پىكىرىن ءبىلدىردى Halyk Bank باسقارما ءتوراعاسىنىڭ ورىنباسارى جۇمابەك مامۋتوۆ.