Visa كارتالارىمەن جاسالعان بارلىق ترانزاكسيالار ەندى ەلدەن تىس جەردە جۇمىس ىستەمەيدى
Visa جانە Mastercard 5 ناۋرىزدا رەسەيدەگى جۇمىسىن توقتاتۋ تۋرالى مالىمدەمە جاسادى. ەكى كومپانيا دا سانكسيالاردى قولداپ، رەسەيلىك بانكتەر شىعارعان كارتالار بويىنشا قىزمەت كورسەتۋدى توقتاتادى، دەپ حابارلايدى Almaty-akshamy.kz Baq.kz-كە سىلتەمە جاساپ.
ريا ءنوۆوستيدىڭ مالىمەتىنشە، Mastercard كورپوراسياسى «رەسەي بانكتەرى شىعارعان كارتالارعا Mastercard جەلىسى ەندى قولداۋ كورسەتپەيدى» دەگەن مالىمدەمە جاسادى. سونىمەن قاتار، رەسەيدەن تىس جەردە شىعارىلعان Mastercard كارتالارى رەسەي اۋماعىندا جۇمىس ىستەمەيدى.
"ءبىز رەسەيدەگى جەلىلىك قىزمەتتەرىمىزدى توقتاتۋ تۋرالى شەشىم قابىلدادىق"، - دەلىنگەن حابارلامادا.
كومپانيا رەسەيدەگى جۇمىسىن زاڭنامالىق شەكتەۋلەر بولماعان كەزدە قايتا باستايتىنىن اتاپ ءوتتى.
Visa دا وسىنداي مالىمدەمە جاسادى.
«بۇدان بىلاي Visa رەسەيدەگى كليەنتتەرمەن جانە سەرىكتەستەرمەن جۇمىس ىستەپ، جاقىن كۇندەرى بارلىق Visa ترانزاكسيالارىن توقتاتادى. پروسەسس اياقتالعاننان كەيىن رەسەي فەدەراسياسىندا شىعارىلعان Visa كارتالارىمەن جاسالعان بارلىق ترانزاكسيالار ەندى ەلدەن تىس جەردە جۇمىس ىستەمەيدى»، – دەلىنگەن حابارلامادا.
ءوز كەزەگىندە سبەربانك حالىقارالىق تولەم جۇيەلەرىنىڭ رەسەيدەگى جۇمىسىن شەكتەۋ تۋرالى شەشىمى جاقىن كۇندەرى سبەربانكتىڭ Visa جانە Mastercard كارتالارىنىڭ ەل ىشىندەگى جۇمىسىنا اسەر ەتپەيتىنىن، ءبىراق شەتەلدە جانە رەسەيلىك Visa جانە MasterCard-دان شەتەلدىك ينتەرنەت-دۇكەندەردەگى تولەمدەرگە اسەر ەتەتىنىن ايتتى.