فرانسيانىڭ نيسسا قالاسىندا العاش رەت VinFast IRONMAN 2023 الەم چەمپيوناتى ءوتتى.
ارداگەر سپورتشىلار ساناتىندا ساراپقا سالىنعان التىن مەدالدى قازاقستاننىڭ اتى اڭىزعا اينالعان ۆەلوشاباندوزى ءارى Astana Qazaqstan Team كلۋبىنىڭ باس مەنەدجەرى الەكساندر ۆينوكۋروۆ جەڭىپ الدى، دەپ حابارلايدى Almaty-akshamy.kz.
Egemen.kz اقپاراتىنا سۇيەنسەك، دۇنيە ءجۇزى بويىنشا ءار-تۇرلى جاس ساناتىنداعى ۇزدىك ترياتلونشىلار 140،6 ميلدىك كۆەستتى باعىندىرۋ ءۇشىن جينالدى.
«Ironman الەم چەمپيوناتى مەنىڭ ۇيىمە جاقىن جەردە ءوتتى، وعان قاتىسۋدان باس تارتا المادىم. مەن مۇمكىندىگىنشە دايىندالدىم، جارىستارعا جانە باسقا دا ءىس-ساپارلارعا ۋاقىت تابۋعا تىرىستىم. تاڭەرتەڭ ەرتە تۇرىپ دايىندالدىم. جاقىندا گلازگودا وتكەن الەم چەمپيوناتىندا جەڭىسكە جەتتىم، سونداي-اق بۇل Ironman چەمپيوناتىنداعى ەكىنشى جەڭىسىم. مەن الەم چەمپيوناتىندا ەلىمنىڭ قورجىنىنا تاعى ءبىر التىن سالعانىما وتە قۋانىشتىمىن»، - دەدى الەكساندر ۆينوكۋروۆ.
ول بۇل جەڭىسىن ءوزىنىڭ 50 جىلدىق مەرەيتويى قارساڭىندا بارشا قازاقستاندىققا، اسىرەسە اتا-اناسىنا ارناعىسى كەلەتىنىن ايتتى.
ايتا كەتەيىك، اتى اڭىزعا اينالعان ۆەلوشاباندوز ءقازىر Astana Qazaqstan Team ۆەلوكلۋبىنىڭ باس مەنەدجەرى. 16 قىركۇيەكتە 50 جىلدىق مەرەيتويىن اتاپ وتەدى. ول ءوزىنىڭ مانسابىندا 2006 جىلى يسپانيانىڭ ۆۋەلتاسىنىڭ جەڭىمپازى جانە توپتىق جارىستا 2012 جىلعى وليمپيادا چەمپيونى، سونداي-اق UCI دەمەۋشىلىگىمەن وتكەن ءتۇرلى بەدەلدى ۆەلوجارىستاردىڭ جەڭىمپازى بولدى.