بۇگىن الماتى قالاسىنىڭ اكىمدىگى مەگاپوليستىڭ نەگىزگى سالالارىن دامىتۋعا باعىتتالاتىن 37،2 ملرد. تەڭگە سوماسىنداعى قالالىق بيۋدجەتتى ناقتىلاۋ ماسەلەسىن ءماسليحات سەسسياسىنىڭ قاراۋىنا ۇسىندى.
ونىڭ ىشىندە، قوعامدىق كولىكتى دامىتۋ جانە قولداۋ تۇرعىسىنان 150-گە جۋىق اۆتوبۋس ساتىپ الىنادى، دەپ حابارلايدى Almaty-akshamy.kz
سۋمەن جانە كارىز جەلىلەرىمەن قامتاماسىز ەتۋگە قاتىستى شاڭىراق-1، ەرمەنساي ش.ا. سۋ قۇبىرى مەن كارىزدىڭ تاراتۋ جەلىلەرىن سالۋعا قاراجات بولىنەتىن بولادى.
ەلەكتر.مەن جابدىقتاۋ جانە جارىقتاندىرۋ بويىنشا «الماگۇل» شاعىن اۋدانىندا پس-110/10-10 كۆ ورناتۋ جوسپارلانعان.
الەۋمەتتىك نىساندارعا قاتىستى، سامال-2 شاعىن اۋداندا №114 جانە 116 بالاباقشالاردا قايتا قۇرۋعا قاراجات ءبولىندى.
سونداي-اق، الەۋمەتتىك وبەكتىلەردە ينجەنەرلىك جەلىلەر سالىناتىن بولادى، ونىڭ ىشىندە:
- «كەمەل» شاعىن اۋدانداعى مەدپۋنكتەرگە ارنالعان جەلىلەر مەن اباتتاندىرۋ.
- №6، 132، 117 مەكتەپتەرگە جاپسارلاس قۇرىلىستارعا ارنالعان ينجەنەرلىك جەلىلەر.
- «اقبۇلاق» ش.ا. اباتتاندىرۋ جانە كوگالداندىرۋ.
- «نۇركەنت» ش.ا. جول قۇرىلىسى.