جىل باسىنان بەرى ەلوردادا تەمەكى ونىمدەرىن، ونىڭ ىشىندە ەلەكتروندىق تەمەكى مەن سۇيىقتىقتاردى تۇتىنۋعا سالىنعان تىيىمدى بۇزعانى ءۇشىن 355 اكىمشىلىك حاتتاما تولتىرىلدى. استانا پوليسيا دەپارتامەنتى باستىعىنىڭ ءبىرىنشى ورىنباسارى ەلدار دانياروۆ ەلوردانىڭ كوممۋنيكاسيالار قىزمەتىندە وتكەن بريفينگتە وسىنداي زاتتاردىڭ تارالۋىنا جانە قولدانىلۋىنا قارسى جۇرگىزىلىپ جاتقان جۇمىستار تۋرالى ايتىپ بەردى، دەپ حابارلايدى ەلوردا اكىمدىگىنىڭ رەسمي سايتى.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە سايكەس قازاقستاندا تەمەكى شەكپەيتىن جانە تەمەكى ونىمدەرىن اكەلۋگە، وندىرۋگە، ساتۋعا جانە تاراتۋعا تىيىم سالىنادى.
شەگىلمەيتىن تەمەكى ونىمدەرىنە قۇرامىندا نيكوتين بار ونىمدەر جانە ولاردىڭ ناسىباي، سنيۋس جانە ت.ب. سياقتى سينتەتيكالىق انالوگتارى جاتادى.
«رۇقسات ەتىلمەگەن جەرلەردە تەمەكى ونىمدەرىن ساتۋ نەمەسە تاراتۋ فاكتىلەرى انىقتالعان كەزدە پوليسيا قىزمەتكەرلەرى اكىمشىلىك قۇقىق بۇزۋشىلىق تۋرالى كودەكستىڭ 196-بابىنا سايكەس اكىمشىلىك ءىس قوزعايدى. جىل باسىنان بەرى وسى باپ بويىنشا 70-كە جۋىق اكىمشىلىك حاتتاما جاسالدى. بەلگىلەنگەن ورىنداردا تەمەكى ونىمدەرىن ساتۋ نەمەسە تاراتۋ فاكتىلەرى انىقتالعان كەزدە تەمەكى ونىمدەرىن ساتۋ فاكتىسى بويىنشا اكىمشىلىك ءىس قوزعالادى. ولارعا كاليانعا، كاليان قوسپاسىنا، تەمەكىنى قىزدىرۋعا ارنالعان جۇيەلەرگە، ەلەكتروندى تۇتىنۋ جۇيەلەرىنە جانە ولار ءۇشىن سۇيىقتىقتارعا ارنالعان ونىمدەر جاتادى. بۇل ارەكەت جەكە تۇلعالارعا – وتىزعا دەيىن، شاعىن كاسىپكەرلىك سۋبەكتىلەرىنە – ەلۋگە دەيىن، ورتا كاسىپكەرلىك سۋبەكتىلەرىنە – سەكسەنگە دەيىن، ءىرى كاسىپكەرلىك سۋبەكتىلەرىنە ءجۇز اەك مولشەرىندە ايىپپۇل سالۋعا اكەپ سوعادى. جىل باسىنان بەرى وسىنداي فاكتىلەر بويىنشا 7 اكىمشىلىك حاتتاما جاسالدى»، - دەدى ەلدار دانياروۆ.
تەمەكى بۇيىمدارىن، ونىڭ ىشىندە قىزدىرىلاتىن تەمەكىسى بار بۇيىمداردى، ەلەكتروندىق تۇتىنۋ جۇيەلەرىن جانە ولار ءۇشىن سۇيىقتىقتاردى تۇتىنۋعا تىيىم سالۋدى بۇزعانى ءۇشىن ق ر اقبتك 441-بابى بويىنشا جىل باسىنان بەرى 355 حاتتاما جاسالدى.