سەنات ۆەيپتەرگە تولىق تىيىم سالاتىن زاڭنىڭ جەكەلەگەن باپتارىن جاڭا رەداكسيادا ۇسىنىپ، ماجىلىسكە قايتاردى.
ەندى ۆەيپتەردى جارنامالاۋعا دا شەكتەۋ ەنگىزىلمەك. زاڭ جوباسىندا ەلەكتروندى تەمەكىلەرگە قىلمىستىق جاۋاپكەرشىلىك قاراستىرىلعان، دەپ حابارلايدى Almaty-akshamy.kz.
ماسەلەن، ساتقانى ءۇشىن ەڭ جوعارى جازا – 50 تاۋلىككە دەيىن قاماۋعا الۋ. ال اكەلىپ، تاراتقانى ءۇشىن – 2 جىلعا دەيىن باس بوستاندىعىنان ايىرۋ، قىلمىستىق توپ قۇرىپ، زاڭسىز ارەكەتتى بىرنەشە رەت قايتالاعان جاعدايدا – 5 جىلعا دەيiن باس بوستاندىعىنان ايىرۋ كوزدەلگەن.
جالپى، ساراپشىلار ەلەكتروندى تەمەكى وكپەنى تۋبەركۋلەز دەرتىمەن تەڭ دارەجەدە زاقىمدايتىنىن ايتادى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، 33 مەملەكەتتە ەلەكتروندى تەمەكى ساتۋعا تىيىم سالىنعان. سونىمەن قاتار جيىندا دەپۋتاتتار جوسپىرىمدەر مەن بالالارعا ەنەرگەتيكالىق سۋسىن تۇرلەرىن ساتپاۋدى ۇسىندى. دەنساۋلىق ساقتاۋ مينيسترلىگىنىڭ وكىلى، بۇل ماسەلە ءالى دە قارالىپ جاتقانىن ايتتى.
«ۆەيپتەردىڭ ساۋداسى بويىنشا قىلمىستىق جاۋاپكەرشىلىك ەنگىزىلەدى. كىنالىلەر ەسكەرتۋمەن قۇتىلمايدى. زاڭ كۇشىنە ەنگەننەن كەيىن، ساتۋ دا، تۇتىنۋ دا قىلمىس بولادى. جارنامالاۋعا دا تىيىم سالىنادى»، - دەيدى ق ر پارلامەنتى سەناتىنىڭ ءتوراعاسى ماۋلەن اشىمبايەۆ.